- Къолунгдан къуймакъ ашатсанг да, атаны борчундан къутулмазса.
- Аман адам этегингден тутса, кес да къач.
- Адамны артындан къара сабан сюрме.
- Джолунга кёре – джюрюшюнг, джагъанга кёре – юлюшюнг.
- Къая джолда джортма, ачыкъ сёзден къоркъма.
- Билим ат болуб да чабар, къуш болуб да учар.
- Кёзню ачылгъаны – иги, ауузну джабылгъаны – иги.
- Гитче джилтин уллу элни джандырыр.
- Юйюнг бла джау болгъандан эсе, элинг бла джау бол.
- Ач – эснер, ат – кишнер.
- Дженгил джетерикме деб, узун джолну къоюб, къысхасын барма.
- Ариу сёзде ауруу джокъ.
- Уруну арты – къуру.
- Кийим тукъум сордурур.
- Айранны сюйген, ийнек тутар.
- Сёз – кюмюш, джыр – алтын.
- Окъумагъан сокъурду, сокъур ташха абыныр!
- Акъыллы айтыр эди, акъылсыз къоймайды.
- Огъурлуну сёзю – суу, огъурсузну сёзю – уу.
- От этилмеген джерден тютюн чыкъмайды.
- Къызны минг тилер, бир алыр.
- Чакъырылгъанны аты, чакъырылмагъанны багъасы болур.
- Билеги кючлю, бирни джыгъар, билими кючлю, мингни джыгъар.
- Эл тойса, тоймагъан, эл къойса, къоймагъан.
- Келлик заман – къартлыкъ келтирир, кетген заман – джашлыкъ ёлтюрюр.
- Билимден уллу байлыкъ джокъду.
- Эм уллу байлыкъ – джан саулукъ.
- Кёзю сокъурдан – къоркъма, кёлю сокъурдан – къоркъ.
- Бойнуму джети джерден кессенг да, мен ол ишни этеллик тюлме.
- Суугъа – чабакъ, къаягъа – ыргъакъ.
- Ашлыкъ – бюртюкден, джюн – тюкден.
- Артына баргъанны, къатына барма.
- Иши джокъну, сыйы джокъ.
- Ашхы адам – халкъ байлыгъы, ашхы джер – джашау байлыгъы.
- Джылкъыдан – ат чыгъар, тукъумдан – джаш чыгъар.
- Кёпюр салгъан кеси ётер, уру къазгъан кеси кетер.
- Тойгъанлыкъ къойгъа джарашады.
- Аманнга да, игиге да оноусуз къатышма.
- Окъуу – билимни ачхычы, окъуу – дунияны бачхычы.
- Джетген къыз джерли эшекни танымаз.
- Эки къатын алгъан – эки ташны ортасына башын салгъан.
- Сабий кёргенин унутмаз.
- Адам боллукъ, атламындан белгили болур.
- Ашаса, ашамаса да, бёрюню ауузу – къан.
- Джукъу тёшек сайламайды.
- Аман адамны тепсинге олтуртсанг, къызынгы тилер.
- Ёгюзню мюйюзюнден тутадыла, адамны сёзюнден тутадыла.
- Тойгъан антын унутур.
- Къарт болгъан джерде, берекет болур, сабий болгъан джерде, оюн болур.
- Нарт сёз къарт болмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72