- Татлы сёз – балдан татлы.
- Биреу къой излей, биреу той излей.
- Биреуню эскиси биреуге джангы болмайды.
- Гитче джилтин уллу элни джандырыр.
- Бастасын ашагъан, хантусун да ичер.
- «Ёгюз, джаргъа джууукъ барма, меннге джюк боллукъса», - дегенди эшек.
- Акъыллы башны – тили къысха.
- Къайтырыкъ эшигинги, къаты уруб чыкъма.
- Кёрмегеннге кебек – танг, битмегеннге сакъал – танг.
- Юйлю уругъа ит чабмаз.
- Кёбню кёрген – кёб билир.
- Къошда джокъгъа – юлюш джокъ.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Иги адам абынса да, джангылмаз.
- Тёрде – темир таякълы, къаяда – чыпчыкъ аякълы.
- Чабакъ башындан чирийди.
- Аман киши кеси юйюнде – къонакъ.
- Акъыл сабырлыкъ берир.
- Адебни адебсизден юрен.
- Къарнынг тойгъунчу аша да, белинг талгъынчы ишле.
- Ишлерге уял да, ашаргъа табма.
- Джылар джаш, атасыны сакъалы бла ойнар.
- Таукел къуру къалмаз.
- Ёксюзню тилеги къабыл болур.
- Эл ауузу – элия.
- Харам къарнашдан, халал тенг ашхы.
- Дуния мал дунияда къалады.
- Узун джолну барсанг, бюгюн келирсе, къысха джолну барсанг, тамбла келирсе.
- Онгсузну – джакъла, тенгликни – сакъла.
- Чарсда алчыны эл кёреди.
- Ичимден чыкъды хата, къайры барайым сата?
- Иги болса, тамадама – махтау, аман болса, меннге – айыб.
- Тин – байлыгъынг, терен саулугъунг.
- Джахил болса анасы, не билликди баласы?
- Тойчу джашха къарама, къойчу джашха къара.
- Къумурсхала джыйылсала, пилни да джыгъадыла.
- Ашха уста, юйюнде болсун
- Тёрени джагъы джокъ.
- Аман къатын сабий табса, бий болур…
- Айырылмаз джууугъунга, унутмаз сёзню айтма.
- Танг атмайма десе да, кюн къоярыкъ тюйюлдю.
- Билими азны – ауузунда кирит.
- Сангырау къулакъ эл бузар.
- Кёлсюзден сёзсюз тууар.
- Аллахдан тилесенг, кёб тиле.
- Ашда – бёрю, ишде – ёлю.
- Джангыз терек къынгыр ёсер.
- Ашыкъгъанны этеги бутуна чырмалыр.
- Рысхы – насыбха къор.
- Ёлюк кебинсиз къалмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72