- Иги джашны ышаны – аз сёлешиб, кёб тынгылар.
- Ётюрюкчюню шагъаты – къатында.
- Къайгъыны сюйген, къайгъы табар.
- Эл ауузу – элия.
- Ач уят къоймаз.
- Ариуну – ауруу кёб.
- Эки итни арасына сюек атма, эки адамны арасында сёз чыгъарма.
- Сютден ауузу кюйген, суугъа юфгюре эди.
- Аууз сакълагъан – джан сакълар.
- Чакъырылмагъан къонакъ – орунсуз.
- Уясында не кёрсе, учханында аны этер.
- Эрине къаргъыш этген къатын, эрнин къабар.
- Акъыл неден да кючлюдю.
- Чомартха Тейри да борчлуду.
- Къызын тута билмеген, тул этер, джашын тута билмеген, къул этер.
- Тил – миллетни джаны.
- Керти сёзге тёре джокъ.
- Элни кючю – эмеген.
- Джаз бир кюнню джатсанг, къыш талай кюнню абынырса.
- Телини эшигин, махтау джабар.
- Кёл – къызбай, къол – батыр.
- Кёб джашагъан – кёб билир.
- Сёз садакъдан кючлюдю.
- Тау башында, тау болмаз, джангыз терек, бау болмаз.
- Кёзю сокъурдан – къоркъма, кёлю сокъурдан – къоркъ.
- Джашны джигитлиги сорулур, къызны джигерлиги сорулур.
- Ёлген ийнек сютлю болур.
- Хар зат кесини орнуна иги.
- Къарнынг къанлынга кийирир.
- Бек анасы джыламаз.
- Билим насыб берир, билим джолну керир.
- Ашда – бёрю, ишде – ёлю.
- Арбаз сайлама да, хоншу сайла.
- Кесине гебен этелмеген, биреуге черен эте эди.
- Асхат ашлыкъ сата, юйдегиси ачдан къата.
- Билим къая тешер.
- Аман адамны тепсинге олтуртсанг, къызынгы тилер.
- Адамны сабийин сюйген джюреги, бычакъча, джитиди.
- Намыс сатылыб алынмайды.
- Билимден уллу байлыкъ джокъду.
- Хата – гитчеден.
- Бет бетге къараса, бет да джерге къарар.
- Дуния малгъа сатылма, кесингден телиге къатылма.
- Гырджын – тепсини тамадасы.
- Бал ашаргъа сюе эсенг, чибин ургъаннга тёз.
- Ишлегенден, къарагъан уста.
- Атадан ёксюз – бир ёксюз, анадан ёксюз – эки ёксюз.
- Къатын байлыкъны сюер, эр саулукъну сюер.
- Къайгъы тюбю – тенгиз.
- Адам сёзюнден белгили.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72