- Мураты болгъанны джюрек тебюую башхады.
- Аманны къуугъан, аманлыкъ табар.
- Нафысынгы айтханын этме, намысынгы айтханын эт.
- Ашхы тенг джолгъа салыр, аман тенг джолдан тайдырыр.
- Адам къаллай бир ишленмесе, аллай бир кесин уллу кёреди.
- Аман адам элни бир-бирине джау этер.
- Чомартны къолун джокълукъ байлар.
- Джырчы джырчыгъа – къарнаш.
- Накъырданы арты керти болур.
- Уллу къашыкъ эрин джыртар.
- Биреуге кёлтюрген таягъынг, кесинги башынга урур.
- Уруну арты – къуру.
- Сёз къанатсыз учар.
- Ашда уялгъан – мухар, ишде уялгъан – хомух.
- Ачыкъ джюрекге джол – ачыкъ.
- Эринчекни аурууу – кёб.
- Къуллукъчума, деб махтанма, къуллукъ – хаух джамчыды!
- Берекет берсин деген джерде, берекет болур.
- Татлы сёз – балдан татлы.
- Сангырау къулакъ эл бузар.
- Адам сёзюнден белгили.
- Чомарт джарлы болмаз.
- Ариу сёз – джаннга азыкъ, аман сёз – башха къазыкъ.
- Бек ашыкъгъан меннге джетсин, дегенди аракъы.
- Билмегенинги, билгеннге сор.
- Гугурук къычырмаса да, тангны атары къалмаз.
- Адебни адебсизден юрен.
- Эки элинги тыйсанг, джети элде махталырса.
- Суу кетер, таш къалыр.
- Кёб ант этген, кёб ётюрюк айтыр.
- Олтуруб кёрюнмей эди да, ёрге туруб кёрюне эди.
- Чоюнну башы ачыкъ болса, итге уят керекди.
- Экеулен сёлеше тура эселе, орталарына барыб кирме.
- Къызны минг тилер, бир алыр.
- Элни кючю – эмеген.
- Бюгюн дуния кибик, тамбла ахыратды.
- Сормай – алма, чакъырылмай – барма.
- Айыбны суу бла джууалмазса.
- Джауумдан сора, кюн кюйдюрюр, ётюрюкден сора, айыб кюйдюрюр.
- Керти сёзге тёре джокъ.
- Тёрени джагъы джокъ.
- Къар – келтирди, суу – элтди.
- Акъыл къартда, джашда тюйюлдю – башдады.
- Бермеген къол, алмайды.
- Керек ташны ауурлугъу джокъ.
- Эли джокъну – кёлю джокъ.
- Айраннга суу къош, телиге джол бош.
- Намысы болмагъанны, сыйы болмаз.
- Акъыллы эркиши атын махтар, акъылсыз эркиши къатынын махтар.
- Ёксюзню тилеги къабыл болур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72