- Къонакъ хазыр болгъанлыкъгъа, къонакъбай хазыр тюлдю.
- Хоншуну тауугъу къаз кёрюнюр, келини къыз кёрюнюр.
- Эл тойса, тоймагъан, эл къойса, къоймагъан.
- Аз сёлешген, къайгъысыз турур.
- Акъыл къартда, джашда тюйюлдю – башдады.
- Ышармагъан – кюлмез, кюлмеген – къууанчны билмез.
- Адеб джокъда, намыс джокъ.
- Ачыкъ джюрекге джол – ачыкъ.
- Уллу къазанда бишген эт, чий къалмаз.
- Аман къатын алгъан, арыр, иги къатын алгъан джарыр.
- Тойгъа алгъа да барма, тойда артха да къалма.
- Душманны тышы – акъ, ичи – къара.
- Адамны джюреги нени кёрюрге сюйсе, кёзю да аны кёрюрге ёч болады.
- Эл ауузу – элек, анга ийнаннган – халек.
- Аджал соруб келмез, келсе, къайтыб кетмез.
- Таш ата билмеген, башына урур.
- Биреу ашаб къутулур, биреу джалаб тутулур.
- Хар зат кесини орнуна иги.
- Таугъа чыгъаллыкъ эсенг, тюзде къалма.
- Кютгени беш эчки, сызгъыргъаны уа, джерни джарады.
- Таукел адам тау тешер.
- Джыланны къуйругъундан басарынг келсе, аны башы болгъанын унутма.
- Алтыннга тот къонмаз.
- Джашлыкъ этмеген, башлыкъ этмез.
- Агъач халкъгъа алтынды, иссиликге салкъынды.
- Джюз элде джюз ёгюзюм болгъандан эсе, джюз джууугъум болсун.
- Къарнынг къанлынга кийирир.
- Къулакъдан эсе, кёзге ышан.
- Тёрени джагъы джокъ.
- Насыб бютеу халкъны юлюшюдю.
- Чыкълы кюнде чыкъмагъан, чыкъса къуру кирмеген.
- Кёб къычыргъандан – къоркъма, тынч олтургъандан – къоркъ.
- Ашда – бёрю, ишде – ёлю.
- Адам боллукъ, атламындан белгили болур.
- Ачылгъан эт джабылыр, кёрген кёз унутмаз.
- Ашына кёре табагъы, балына кёре къалагъы.
- Байлыкъдан саулукъ ашхыды.
- Зарда марда джокъ.
- Чоюнну башы ачыкъ болса, итге уят керекди.
- Аш берме да, къаш бер.
- Келлик заман – къартлыкъ келтирир, кетген заман – джашлыкъ ёлтюрюр.
- Ёлген аслан – сау чычхан.
- От кюйдюрген, сау болса да, тот кюйдюрген, сау болмаз.
- Тамырсыз терекге таянма – джыгъылырса.
- Кийим тукъум сордурур.
- Ашхы атаны – джашы ашхы, ашхы ананы – къызы ашхы.
- Ашлыкъны арба юйге келтирир, чана базаргъа элтир.
- Хата – гитчеден.
- Къазанны башы ачыкъ болса, итге уят керекди.
- Айырылмаз джууугъунга, унутмаз сёзню айтма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72