- Къобан да къуру да къобханлай турмайды, адам да къуру да патчахлай турмайды.
- Къралынгы – душмандан, башынгы от бла суудан сакъла.
- Эшекни не къадар тюйсенг да, ат болмаз.
- Суу ичген шауданынга тюкюрме.
- Эли джокъну – кёлю джокъ.
- Къарыусузгъа кюлме, онгсузгъа тийме.
- Ёзденликни джайгъан – джокълукъ.
- Айтылгъан сёз ызына къайтмаз.
- Ёзденликни кёбю ётюрюк.
- Къонагъынгы артмагъын алма да, алгъышын ал.
- Бозаны арты дауур болур.
- Азыкъ аз болса, эртде орун сал.
- Къолу уллу – асыу, аягъы уллу – джарсыу.
- Бал – татлы, балдан да бала – татлы.
- Сагъышы джокъ – джукъучу, акъылы джокъ – къаугъачы.
- Керилген да, ургъан кибикди.
- Болджал ишни бёрю ашар.
- Тынгылагъан тынгы бузар.
- Ёксюзню къалачы уллу кёрюнюр.
- Ётюрюкню къуйругъу – бир тутум.
- Джангыз терек къынгыр ёсер.
- Къызбайны юйюне дери сюрсенг, батыр болур.
- Эринчекни аурууу – кёб.
- Рысхы джалгъанды: келген да этер, кетген да этер.
- Башынга джетмегенни сорма.
- Окъугъанны бети джарыкъ.
- Агъач – джерни чырайы, кийим – эрни чырайы.
- Кёб къычыргъандан – къоркъма, тынч олтургъандан – къоркъ.
- Ачыкъ джюрекге джол – ачыкъ.
- Ана кёлю – балада, бала кёлю – талада.
- Ойнаб айтсанг да, эслеб айт.
- Халкъгъа джарагъан, джарлы къалмаз.
- Къазанны башы ачыкъ болса, итге уят керекди.
- Атадан ёксюз – бир ёксюз, анадан ёксюз – эки ёксюз.
- «Ма», - дегенни билмесенг, «бер», - дегенни билмезсе.
- «Ёгюз, джаргъа джууукъ барма, меннге джюк боллукъса», - дегенди эшек.
- Эри аманны, къатыны – аман.
- Ашлыкъны арба юйге келтирир, чана базаргъа элтир.
- Ач къарным, тынч къулагъым.
- Билимли ёлмез, билимсиз кёрмез.
- Иги бла джюрюсенг, джетерсе муратынга, аман бла джюрюсенг, къалырса уятха.
- Билимден уллу байлыкъ джокъду.
- Мадар болса, къадар болур.
- Аз айтсам, кёб ангылагъыз.
- Чомарт бергенин айтмаз.
- Уллу къазанда бишген эт, чий къалмаз.
- Акъыл бла адеб эгизледиле.
- Джаханимни кёрмей, джандетге кёл салмазса.
- Сабий болмагъан джерде, мёлек болмаз.
- Джаз бир кюнню джатсанг, къыш талай кюнню абынырса.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72