- Арыгъан къош чамчы болур.
- Баргъанынга кёре болур келгенинг.
- Эл ауузу – элия.
- Джахил болса анасы, не билликди баласы?
- Чомарт къонакъ юй иесин сыйлар.
- Окъдан джара эртде-кеч болса да бителир, сёз джара, ёмюрге къалыр.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ёлюр джаннга, ёкюл джокъ.
- Джашда акъыл джокъ, къартда къарыу джокъ.
- Мен да «сен», дейме, сен да «кесим», дейсе.
- Ач келгенни – тойдур, кеч келгенни – къондур.
- Къарт айтханны этмеген, къартаймаз.
- Аман адам этегингден тутса, кес да къач.
- Ойнаб айтсанг да, эслеб айт.
- Келлик заман – къартлыкъ келтирир, кетген заман – джашлыкъ ёлтюрюр.
- Ана къолу ачытмаз.
- Керилген да, ургъан кибикди.
- Элиб деген, элге болушур.
- Адамны адамлыгъы къыйынлыкъда айгъакъланады.
- Джангыз терек къынгыр ёсер.
- Кёлсюзден сёзсюз тууар.
- Айранны сюйген, ийнек тутар.
- Илму – джашауну джолу.
- Адам къыйынлыгъын кёлтюрюр, зауукълугъун кёлтюрмез.
- Акъыллы башны – тили къысха.
- Тил – миллетни джаны.
- Насыблы элин сюер, насыбсыз кесин сюер.
- Элни кючю – эмеген.
- Тили узунну, намысы – къысха.
- Джюрек кёзден алгъа кёрюр.
- Акъыллы – эл иеси, тели – эл баласы.
- Атлыны ашхысы, ат тизгининден билинир
- Ауругъанны сау билмез, ач къарынны токъ билмез.
- Сёз садакъдан кючлюдю.
- Тилчи бир сагъатха айлыкъ хата этер.
- Ариу сёз – къылычдан джити.
- Къууут – джелге, берне – бошха.
- Кюл тюбюндеги от кёрюнмейди.
- Джетген къыз джерли эшекни танымаз.
- Тенги кёбню джау алмаз, акъылы кёбню дау алмаз.
- Эринчекни эр алмаз, эр алса да, кёл салмаз, кёл салса да, кёб бармаз!
- Хар сёзню орну барды.
- Хата – гитчеден.
- Суу да къайтады чыкъгъан джерине.
- Ойнай билмеген, уруб къачар.
- Ашхы сёз таш тешер.
- Тил – кесген бычакъ, сёз – атылгъан окъ.
- Ана – юйню кюн джарыгъы.
- Къозулугъунда тоймагъан, къойлугъунда тоймаз.
- Къарнынг къанлынга кийирир.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72