- Арба аугъандан сора, джол кёргюзтюучю кёб болур.
- Суу кетер, таш къалыр.
- Билгенни къолу къарны джандырыр.
- Огъурлуну сёзю – суу, огъурсузну сёзю – уу.
- Ашатыргъа иш – ашхы, ишлетирге аш – ашхы.
- Эшекни не къадар тюйсенг да, ат болмаз.
- Тешик этген тынчды, аны джамагъан къыйынды.
- Къобан да къуру да къобханлай турмайды, адам да къуру да патчахлай турмайды.
- Ариуну – ауруу кёб.
- Ёксюзню къалачы уллу кёрюнюр.
- Бетинги сатма, малынгы сат.
- Джан саулукъ бермей, сан саулукъ бермезсе.
- Мухарны эси – ашарыкъда.
- Аллахха ийнаннган кишини, Аллах онгдурур ишин.
- Эте билген, этген этеди, эте билмеген, юретген этеди!
- Таш ата билмеген, башына урур.
- Гугурук къычырмаса да, тангны атары къалмаз.
- Акъыллы эркиши атын махтар, акъылсыз эркиши къатынын махтар.
- Уллу айтханны этмеген – уллаймаз.
- Ишге юренсин къоллары, халкъ бла болсун джоллары.
- Ач бёрюге мекям джокъ.
- Акъыл аздырмаз, билим тоздурмаз.
- Джюрекден джюрекге джол барды.
- Гитче джилтин уллу элни джандырыр.
- Адамны сыфатына къарама, сёзюне къара.
- Джаш болсун, къыз болсун, акъылы, саны тюз болсун.
- Къарны аманнга къазан такъдырма, къолу аманнга от джакъдырма.
- Уруну арты – къуру.
- Агъач халкъгъа алтынды, иссиликге салкъынды.
- Малны кют, джерни тюрт.
- Ашда уялгъан – мухар, ишде уялгъан – хомух.
- Тенгни тенглиги джашай барсанг билинир.
- Таугъа чыгъаллыкъ эсенг, тюзде къалма.
- Тойгъа барсанг, тоюб бар, эски тонунгу къоюб бар.
- Айтхан сёзюне табылгъан.
- Иги джашны ышаны – аз сёлешиб, кёб тынгылар.
- Экиндини кеч къылсанг, чабыб джетер ашхам.
- Элге къуллукъ этмеген, элге ие болмаз.
- Ётюрюк хапар аякъ тюбю бла джюрюйдю.
- Босагъагъа джууукъ орун болса, ашыгъыб тёрге озма.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Гырджын – тепсини тамадасы.
- Къолунгдан къуймакъ ашатсанг да, атаны борчундан къутулмазса.
- Келинин тута билмеген, къул этер, къызын тута билмеген, тул этер.
- Элде адам къалмаса, ит тахтагъа минер.
- Кёз – сюйген джерде, къол – ауругъан джерде.
- Джарашыу сюйген – джалынчакъ.
- Кёб ант этген, кёб ётюрюк айтыр.
- Джиби бир къат джетмей эди да, эки къат тарта эди.
- Эл бла кёргенинг эрелей.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72