Эльбрусоид :: Форум :: Архив форумов

Джолунга кёре – джюрюшюнг, джагъанга кёре – юлюшюнг.
Ат басханны джер билед.
Джашлыкъ этмеген, башлыкъ этмез.
Башсыз урчукъ тюзюне айланмаз.
Хазыр ашха – терен къашыкъ.
Рысхы – сют юсюнде кёмюк кибикди.
Окъуусуз билим – джокъ, билимсиз кюнюнг – джокъ.
Сабий болмагъан джерде, мёлек болмаз.
Акъыл сабырлыкъ берир.
Дженгил джетерикме деб, узун джолну къоюб, къысхасын барма.
Терслик кетер, тюзлюк джетер.
Эски джаугъа ышанма.
Адеб джокъда, намыс джокъ.
Чомартны къолу берекет.
Этим кетсе да, сюегим къалыр.
Аман къатын алгъан, арыр, иги къатын алгъан джарыр.
Ат да турмайды бир териде.
Ушамагъан – джукъмаз.
Къыз чыгъаргъан – къызыл къымжа.
Чомартха Тейри да борчлуду.
Урама да – ёледи, сатама да – келеди.
Мени джылытмагъан кюн, меннге тиймесин!
Тилчи тилден къаныкъмаз.
Тил джюрекге джол ишлейди.
Элге къуллукъ этмеген, элге ие болмаз.
Айраннга суу къош, телиге джол бош.
Эрине къаргъыш этген къатын, эрнин къабар.
Къартны бурнун сюрт да, оноугъа тут.
От кюйдюрген, сау болса да, тот кюйдюрген, сау болмаз.
Ариуну – ауруу кёб.
Садакъачыны джаны – къапчыгъында.
Сормай – алма, чакъырылмай – барма.
Азыкъ аз болса, эртде орун сал.
Ёгюзню мюйюзлери ауурлукъ этмейдиле.
Къайгъы тюбю – тенгиз.
Къонакъны къачан кетерин сорма, къачан келлигин сор.
Ата Джуртун танымагъан, атасын да танымаз.
Чарсда алчыны эл кёреди.
Башланнган иш битер, къымылдагъан тиш тюшер.
Адамгъа аман кюн соруб келмейди.
Чомарт джарлы болмаз.
Сабийликде юретмесенг, уллу болса – тюзелмез.
Ариу сёз аурууунгу алыр.
Биреуге аманлыкъны тилеме да, кесинге ашхылыкъны тиле.
Сабыр джетер муратха, сабырсыз къалыр уятха.
Джолда аягъынга сакъ бол, ушакъда тилинге сакъ бол.
Къызбайны юйюне дери сюрсенг, батыр болур.
Джумушакъ сёз къаты таякъны сындырыр.
Къатын байлыкъны сюер, эр саулукъну сюер.
Кёпюр салгъан кеси ётер, уру къазгъан кеси кетер.

Логин:
Пароль:
	Запомнить меня на этом компьютере

Забыли свой пароль?
Регистрация