- Къонакъ хазыр болгъанлыкъгъа, къонакъбай хазыр тюлдю.
- Айран тёгюлсе, джугъусу къалыр.
- Рысхы – сют юсюнде кёмюк кибикди.
- Атлыны ашхысы, ат тизгининден билинир
- Къая джолда джортма, ачыкъ сёзден къоркъма.
- Акъыллы – эл иеси, тели – эл баласы.
- Уллу сёлешме да, уллу къаб.
- Ашлыкъ – бюртюкден, джюн – тюкден.
- Тюзню ётмеги тюзде къалса да, тас болмаз.
- Къызын тута билмеген, тул этер, джашын тута билмеген, къул этер.
- Аджаллыгъа окъсуз шкок атылыр.
- Эте билген, этген этеди, эте билмеген, юретген этеди!
- Дуния мал дунияда къалады.
- Ойнай билмеген, оюн бузар.
- Аз сёлеш, кёб ишле.
- Аманны тукъумуна къарама, игини тукъумун сорма.
- Аууз сакълагъан – джан сакълар.
- Ышармагъан – кюлмез, кюлмеген – къууанчны билмез.
- Билмейме деген – бир сёз
- Рысхы – насыбха къор.
- Туз, гырджын аша, тюзлюк бла джаша.
- Джырына кёре эжиую.
- Ана кёлю – балада, бала кёлю – талада.
- Келлик заман – къартлыкъ келтирир, кетген заман – джашлыкъ ёлтюрюр.
- Берекет берсин деген джерде, берекет болур.
- Байлыкъ келсе, акъыл кетер.
- Тойгъа барсанг, тоюб бар, эски тонунгу къоюб бар.
- Ким бла джюрюсенг, аны кёзю бла кёрюнюрсе.
- Тенгинг джокъ эсе – изле, бар эсе – сакъла!
- Игини сыйлагъан адетди.
- Джюрекден джюрекге джол барды.
- Башы ишлегенни, ауузу да ишлер.
- Кийимни бир кюнню аясанг, минг кюннге джарар.
- Билмегенинги, билгеннге сор.
- Билген билмегенни юретген адетди.
- Тешигини къатында, чычхан да батыр болур.
- Чоюнну башы ачыкъ болса, итге уят керекди.
- Адамны джюреги нени кёрюрге сюйсе, кёзю да аны кёрюрге ёч болады.
- Терслик кетер, тюзлюк джетер.
- Къууут – джелге, берне – бошха.
- Сабийни джумушха джибер да, ызындан бар.
- Къыйынлы джети элге оноу этер.
- Ач уят къоймаз.
- Ач, тоймам, дейди, тойгъан, ач болмам, дейди.
- Ашда – бёрю, ишде – ёлю.
- Халкъны юйю – туугъан джери.
- Нарт сёз къарт болмаз.
- Гитче джилтин уллу элни джандырыр.
- Аманнга алтын чыдамаз.
- Ариу сёзде ауруу джокъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72