- Сакъламагъан затынга джолукъсанг, не бек къууанаса, не бек ачыйса.
- Аман адам этегингден тутса, кес да къач.
- Къызбайны юйюне дери сюрсенг, батыр болур.
- Къарын къуру болса, джюрек уру болур.
- Ёлген ийнек сютлю болур.
- Иги бла джюрюсенг, джетерсе муратынга, аман бла джюрюсенг, къалырса уятха.
- Айтылгъан сёз ызына къайтмаз.
- Джангызны оту джарыкъ джанмаз!
- Чомарт джарлы болмаз.
- Къатын къылыкъсыз, эр тынчлыкъсыз.
- Окъуусуз билим – джокъ, билимсиз кюнюнг – джокъ.
- Къыйынлы джети элни къайгъысын этер.
- Сангырау къулакъ эл бузар.
- Биреуню къыйынлыгъы бла кесинге джол ишлеме.
- Джюрек кёзден алгъа кёрюр.
- Хар адамгъа кеси миннген тау кибик.
- Ишлемеген – тишлемез.
- Аман киши кеси юйюнде – къонакъ.
- Акъыллы айтыр эди, акъылсыз къоймайды.
- Кийимни бир кюнню аясанг, минг кюннге джарар.
- Атынг аманнга чыкъгъандан эсе, джанынг тамагъынгдан чыкъсын.
- Биреуню эскиси биреуге джангы болмайды.
- Ойнай билмеген, уруб къачар.
- Къызны минг тилер, бир алыр.
- Намысы болмагъанны, сыйы болмаз.
- Иги – алгъыш этер, аман – къаргъыш этер.
- Айран ичген – къутулду, джугъусун джалагъан – тутулду.
- Юйлю уругъа ит чабмаз.
- Тынгылагъан тынгы бузар.
- Биреуге аманлыкъны тилеме да, кесинге ашхылыкъны тиле.
- Бёрю да ач къалмасын, эчки да ашалмасын.
- Адеби болмагъан къыз – тузсуз хант.
- Тёгюлген тюгел джыйылмайды.
- Башсыз урчукъ тюзюне айланмаз.
- Джарлы эскисин джамаса, къууаныр.
- Акъыл бла адеб эгизледиле.
- Ашхы адам – халкъ байлыгъы, ашхы джер – джашау байлыгъы.
- Ариуну – ауруу кёб.
- Туз, гырджын аша, тюзлюк бла джаша.
- Уллу къашыкъ эрин джыртар.
- Байны къызы баймакъ болса да, юйде къалмаз!
- Аш хазыр болса, иш харам болур.
- Къонагъынгы артмагъын алма да, алгъышын ал.
- Келинин тута билмеген, къул этер, къызын тута билмеген, тул этер.
- Чабар ат – джетген къыз.
- Юре билмеген ит, къонакъ келтирир.
- Тыш элде солтан болгъандан эсе, кесинги элде олтан болгъан игиди!
- Абынмазлыкъ аякъ джокъ, джангылмазлыкъ джаякъ джокъ.
- Хатерли къул болур.
- Сагъыш – къартлыкъгъа сюйюмчю.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72