- Эл элде бирер малынг болгъандан эсе, бирер тенгинг болсун.
- Къанны къан бла джуума, аманны аман бла къуума.
- Суугъа – таянма, джаугъа – ийнанма.
- Эл ауузу – элия.
- Адебсиз адам – джюгенсиз ат.
- Ашда уялгъан – мухар, ишде уялгъан – хомух.
- Малны кют, джерни тюрт.
- Тойгъа барсанг, тоюб бар, эски тонунгу къоюб бар.
- Ойнай билмеген, оюн бузар.
- Азыкълы ат арымаз, къатыны аман джарымаз.
- Башы джабылгъан челекге, кир тюшмез.
- Окъуусуз билим – джокъ, билимсиз кюнюнг – джокъ.
- Ата Джуртуму башы болмасам да, босагъасында ташы болайым.
- Айырылгъанланы айю ашар, бёлюннгенлени бёрю ашар.
- Босагъагъа джууукъ орун болса, ашыгъыб тёрге озма.
- Джарлы джети элни сёзюн этер.
- Ауузу бла къуш тута айланады.
- Къралынгы – душмандан, башынгы от бла суудан сакъла.
- Бет бетге къараса, бет да джерге къарар.
- Чомартха хар кюн да байрамды.
- Къазанда болса, чолпугъа чыгъар.
- Джыйырма къойну юч джыйырма эбзе кюте эди.
- Эринчекге кюн узун.
- Джогъун бар этген, барын бал этген.
- Аманнга алтын чыдамаз.
- Билими азны – ауузунда кирит.
- Иши джокъну, сыйы джокъ.
- Тилчиден кери бол.
- Телини эшигин, махтау джабар.
- Иги сеники эсе да, сюйген кесимикин этеме.
- Къая джолда джортма, ачыкъ сёзден къоркъма.
- Таукелге нюр джауар.
- Юреннген ауруу къалмаз.
- Сакъламагъан затынга джолукъсанг, не бек къууанаса, не бек ачыйса.
- Сютден ауузу кюйген, суугъа юфгюре эди.
- Душманны тышы – акъ, ичи – къара.
- Тёрдеги кюлсе, эшикдеги ышарыр.
- Чакъырылгъанны аты, чакъырылмагъанны багъасы болур.
- Нарт сёз – тилни бети.
- Джукъу тёшек сайламайды.
- Аш кетер да бет къалыр.
- Ана къойну – балагъа джандет.
- Кёб джат да, бек чаб.
- Тик ёргени, тик энгишгеси да болады.
- Акъыллы эркиши атын махтар, акъылсыз эркиши къатынын махтар.
- Къонакъ аман болса, къонакъбай джунчур
- Акъыллы – эл иеси, тели – эл баласы.
- Рысхысына кёре, джаш ёсер, къышлыгъына кёре, мал ёсер.
- От кюйдюрген, сау болса да, тот кюйдюрген, сау болмаз.
- Адамны артындан къара сабан сюрме.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72