Эльбрусоид :: Форум :: Архив форумов

Ашхы сёз таш тешер.
Джюрек кёзден алгъа кёрюр.
Бети – къучакълар, джюреги – бычакълар.
Ачлыкъ отха секиртир.
«Ёгюз, джаргъа джууукъ барма, меннге джюк боллукъса», - дегенди эшек.
Къарнынг ауруса, ауузунгу тый
Суу ичген шауданынга тюкюрме.
Тыш элде солтан болгъандан эсе, кесинги элде олтан болгъан игиди!
Ёлмесенг да, къарт дамы болмазса?
Чакъырылмай келген къонакъ сыйланмай кетер.
Джарашыу сюйген – джалынчакъ.
Кёбню кёрген – кёб билир.
Тенги кёбню джау алмаз, акъылы кёбню дау алмаз.
Кийимни бичсенг, кенг бич, тар этген къыйын тюлдю.
Адамны адамлыгъы къыйынлыкъда айгъакъланады.
Ашатыргъа иш – ашхы, ишлетирге аш – ашхы.
Кюн – узун, ёмюр – къысха.
Бет бетге къараса, бет да джерге къарар.
Аджаллыгъа окъсуз шкок атылыр.
Джырчы ёлсе, джыры къалыр.
Джумушакъ терекни къурт ашар.
Биреуню тёрюнден, кесинги эшик артынг игиди.
Ишлегенден, къарагъан уста.
Къыз келсе, джумуш эте келеди, къатын келсе, ушакъ эте келеди.
Билген билмегенни юретген адетди.
Тёрде – темир таякълы, къаяда – чыпчыкъ аякълы.
Ариу сёз – къылычдан джити.
Бёрю да ач къалмасын, эчки да ашалмасын.
Къанны къан бла джуума, аманны аман бла къуума.
Бойнуму джети джерден кессенг да, мен ол ишни этеллик тюлме.
Урунуу – насыбны анасы.
Ишге юренсин къоллары, халкъ бла болсун джоллары.
Aдам боллукъ, сыфатындан белгили.
Байны къызы баймакъ болса да, юйде къалмаз!
Мухар, кеси тойса да, кёзю тоймаз.
Ашха уста, юйюнде болсун
Къарт болгъан джерде, берекет болур, сабий болгъан джерде, оюн болур.
Таукелге нюр джауар.
Кёл – къызбай, къол – батыр.
Ашына кёре табагъы, балына кёре къалагъы.
Ишлемеген – тишлемез.
Къууут – джелге, берне – бошха.
Сабийликде юретмесенг, уллу болса – тюзелмез.
Эм ашхы къайын ана мамукъ бла башынгы тешер.
Аз айтсам, кёб ангылагъыз.
Хазыр ашха – терен къашыкъ.
Атлыны кёрсе, джаяуну буту талыр.
Тили узунну, намысы – къысха.
Адам къыйынлыгъын кёлтюрюр, зауукълугъун кёлтюрмез.
Къарыусузгъа кюлме, онгсузгъа тийме.

Логин:
Пароль:
	Запомнить меня на этом компьютере

Забыли свой пароль?
Регистрация