- Иги – алгъыш этер, аман – къаргъыш этер.
- Арпа, будай – ащды, алтын, кюмюш а – ташды.
- Чалманны аллы къалай башланса, арты да алай барады.
- Керти сёзге тёре джокъ.
- Къайтырыкъ эшигинги, къаты уруб чыкъма.
- Къая джолда джортма, ачыкъ сёзден къоркъма.
- Къайгъы тюбю – тенгиз.
- Терек ауса, отунчу – кёб.
- Тюзню ётмеги тюзде къалса да, тас болмаз.
- Кийимни бичсенг, кенг бич, тар этген къыйын тюлдю.
- Башсыз урчукъ тюзюне айланмаз.
- Телини эшигин, махтау джабар.
- Ойнай-ойнай кёз чыгъар.
- Кенгеш болса, уруш болмаз.
- Нёгер болсанг, тенг бол, тенг болмасанг, кенг бол.
- Чомарт къолда мал къалмаз.
- Кёпюр салгъан кеси ётер, уру къазгъан кеси кетер.
- Кесинге джетмегенни, кёб сёлешме.
- Аш берме да, къаш бер.
- Орундукъ тюбюнде атылсам да, орта джиликме, де да айлан.
- Бек ашыкъгъан меннге джетсин, дегенди аракъы.
- Игини сыйлагъан адетди.
- Сибиртки да сыйлы болду, кюрек да кюнлю болду.
- Ашыкъгъан cуу, тенгизге джетмез.
- Сангырау къулакъ эл бузар.
- Арба аугъандан сора, джол кёргюзтюучю кёб болур.
- Нарт сёз къарт болмаз.
- Накъырданы арты керти болур.
- Дуния малгъа сатылма, кесингден телиге къатылма.
- Тулпарлыкъ, билекден тюл – джюрекден.
- Душманны тышы – акъ, ичи – къара.
- Ач келгенни – тойдур, кеч келгенни – къондур.
- Хар сёзню орну барды.
- Ашхы адам – халкъ байлыгъы, ашхы джер – джашау байлыгъы.
- Эллинг бла джау болсанг да, юйюнг бла джау болма.
- Киштикге къанат битсе, чыпчыкъ къалмаз эди.
- Къартха ушагъан джаш – акъыллы, джашха ушагъан къарт – тели.
- Бёрю да ач къалмасын, эчки да ашалмасын.
- Эл ауузу – элия.
- Адебсиз адам – джюгенсиз ат.
- Хоншуну тауугъу къаз кёрюнюр, келини къыз кёрюнюр.
- Керек ташны ауурлугъу джокъ.
- Ач отунчуну ачыуу – бурнунда.
- Ауругъан – джашаудан умутчу.
- Къаллай салам берсенг, аллай джууаб алырса.
- Нёгерсизни джолу узун.
- Рысхы джалгъанды: келген да этер, кетген да этер.
- Тас болгъан бычакъны сабы – алтын.
- Азыкълы ат арымаз, къатыны аман джарымаз.
- Айныгъанлы алты кюн, тогъайгъанлы тогъуз кюн.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72