- Уллу къашыкъ эрин джыртар.
- Эл бла кёргенинг эрелей.
- Аз сёлешген, къайгъысыз турур.
- Кёб джат да, бек чаб.
- Харам къарнашдан, халал тенг ашхы.
- Къатын къылыкъсыз, эр тынчлыкъсыз.
- Сакъ юйюне сау барыр.
- Экиндини кеч къылсанг, чабыб джетер ашхам.
- Аш иеси бла татлыды.
- Акъыл къартда, джашда тюйюлдю – башдады.
- Олтуруб кёрюнмей эди да, ёрге туруб кёрюне эди.
- Ата джурт – алтын бешик.
- Къонакъ аман болса, къонакъбай джунчур
- Джерни букъусу кёкге къонмаз.
- Аш хазыр болса, иш харам болур.
- Тёзгеннге, джабылгъан эшик ачылыр.
- Ёлген ийнек сютлю болур.
- Ариу сёз – къылычдан джити.
- Туз, гырджын аша, тюзлюк бла джаша.
- Ачыкъ джюрекге джол – ачыкъ.
- Ёнгкюч къууана барыр, джылай келир.
- Джаным-тиним – окъуу, билим.
- Аман къатын алгъан, арыр, иги къатын алгъан джарыр.
- Чарсда алчыны эл кёреди.
- Ойнаб айтсанг да, эслеб айт.
- Джюрек кёзден алгъа кёрюр.
- Мал кёб болса, джууукъ кёб болур.
- Иги адам абынса да, джангылмаз.
- Игиге айтсанг – билир, аманнга айтсанг – кюлюр.
- Ашхы – джыяр, аман – джояр.
- Чёбню кёлтюрсенг, тюбюнден сёз чыгъар.
- Биреуню эскиси биреуге джангы болмайды.
- Эки къатын алгъан – эки ташны ортасына башын салгъан.
- Ишлемеген – тишлемез.
- Бек ашыкъгъан меннге джетсин, дегенди аракъы.
- Уясында не кёрсе, учханында аны этер.
- Аман хансны – урлугъу кёб.
- «Ма», - дегенни билмесенг, «бер», - дегенни билмезсе.
- Эртде тургъан джылкъычыны эркек аты тай табар.
- Аман адамны тепсинге олтуртсанг, къызынгы тилер.
- Агъач – джерни чырайы, кийим – эрни чырайы.
- Чакъырылмагъан къонакъ къачан кетерин сормаз.
- Ашатыргъа иш – ашхы, ишлетирге аш – ашхы.
- Бал ашаргъа сюе эсенг, чибин ургъаннга тёз.
- Бозанг болмагъан джерге, къалагъынгы сукъма.
- Эки ойлашыб, бир сёлешген.
- Хаухну атма, ёнгкючню сатма.
- Мадар болса, къадар болур.
- Адебсиз адам – джюгенсиз ат.
- Таукелге нюр джауар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72