- Башланнган иш битер, къымылдагъан тиш тюшер.
- Адам сёзюнден белгили.
- Чомартны къолун джокълукъ байлар.
- Тай асырагъан, атха минер.
- Эркишиге тары кебек танг кёрюнюр.
- Керек ташны ауурлугъу джокъ.
- Мухардан ач ычхынмаз.
- Билген билмегенни юретген адетди.
- Сангырау къулакъ эл бузар.
- Тилчи бир сагъатха айлыкъ хата этер.
- Бойнуму джети джерден кессенг да, мен ол ишни этеллик тюлме.
- Тюкюрюк баш джармаз, налат кёз чыгъармаз!
- Келинни – келгинчи, бёркню кийгинчи кёр.
- Джолда аягъынга сакъ бол, ушакъда тилинге сакъ бол.
- Мал кёб болса, джууукъ кёб болур.
- Къызгъанчдан ычхыныр, мухардан ычхынмаз.
- Окъугъан озар, окъумагъан тозар.
- Зар адамны насыбы болмаз.
- Ишни ахырын ойламай, аллын башлама.
- Кёзден кетген, кёлден да кетеди.
- Джетген къыз джерли эшекни танымаз.
- Джюрекге ариу – кёзге да ариу.
- Ачлыкъда тары гырджын халыуадан татлы.
- Кёлю джокъну – джолу джокъ.
- Адамны бетине къарама, адетине къара.
- Душманны тышы – акъ, ичи – къара.
- Ишленмеген джаш – джюгенсиз ат, ишленмеген къыз – тузсуз хант.
- Ауругъаннга – кийик саулукъ, джетген къызгъа – чилле джаулукъ.
- Чакъырылмагъан къонакъ – орунсуз.
- Миллетни бойну – базыкъ, аны бла кюрешген – джазыкъ.
- Экеу тутушса, биреу джыгъылыр.
- Къайтырыкъ эшигинги, къаты уруб чыкъма.
- Акъыллы – эл иеси, тели – эл баласы.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Хар зат кесини орнуна иги.
- Аллахха ийнаннган кишини, Аллах онгдурур ишин.
- Билим къая тешер.
- Тамырсыз терекге таянма – джыгъылырса.
- Арба аугъандан сора, джол кёргюзтюучю кёб болур.
- Этни да ашады, бетни да ашады.
- Махтаннган къыз, тойда джукълар.
- Джюрекден джюрекге джол барды.
- Кёлсюзден сёзсюз тууар.
- Магъанасыз сёз – тауушсуз сыбызгъы.
- Къонакъ аман болса, къонакъбай джунчур
- Гугурук къычырмаса да, тангны атары къалмаз.
- Туз, гырджын аша, тюзлюк бла джаша.
- Ёмюрлюк шохлукъну джел элтмез.
- Эки итни арасына сюек атма, эки адамны арасында сёз чыгъарма.
- Кийимни бичсенг, кенг бич, тар этген къыйын тюлдю.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72