- Тёрени джагъы джокъ.
- Соргъан айыб тюлдю, билмеген айыбды.
- Ач къалгъандан, кеч къалгъан къолай.
- Билимден уллу байлыкъ джокъду.
- Aдам боллукъ, сыфатындан белгили.
- Уллу айтханны этмеген – уллаймаз.
- Джарлыны эшигин махтагъан джабар.
- Джашда акъыл джокъ, къартда къарыу джокъ.
- Накъырданы арты керти болур.
- Нафысынгы айтханын этме, намысынгы айтханын эт.
- Бети бедерден, намыс сакълама.
- Ана – юйню кюн джарыгъы.
- Къартны сыйын кёрмеген, къартлыгъында сыйлы болмаз.
- Тыш элде солтан болгъандан эсе, кесинги элде олтан болгъан игиди!
- Терек ауса, отунчу – кёб.
- Кийимни бир кюнню аясанг, минг кюннге джарар.
- Сабий болмагъан джерде, мёлек болмаз.
- Экиндини кеч къылсанг, чабыб джетер ашхам.
- Аджашханны ызындагъы кёреди, джангылгъанны джанындагъы биледи.
- Аууз сакълагъан – джан сакълар.
- Акъыллы башны – тили къысха.
- Адамны аты башхача, акъылы да башхады.
- Кёб ант этген, кёб ётюрюк айтыр.
- Кёрмегеннге кебек – танг, битмегеннге сакъал – танг.
- Бир абыннган – минг сюрюнюр.
- Мал тутхан – май джалар.
- Таш ата билмеген, башына урур.
- Адам къаллай бир ишленмесе, аллай бир кесин уллу кёреди.
- Сютню башын джалагъан къутулур, тюбюн ичген тутулур.
- Тёзгеннге, джабылгъан эшик ачылыр.
- Ана кёлю – балада, бала кёлю – талада.
- Хар сёзню орну барды.
- Тамырсыз терекге таянма – джыгъылырса.
- Хансыз джомакъ болмаз.
- Байлыкъ адамны сокъур этер.
- Биреу къой излей, биреу той излей.
- Аш хазыр болса, иш харам болур.
- Ариу джол аджал келтирмез.
- Джашлыкъ этмеген, башлыкъ этмез.
- Аман къатын алгъан, арыр, иги къатын алгъан джарыр.
- Мадар болса, къадар болур.
- Онгсузну – джакъла, тенгликни – сакъла.
- Юй кюйдю да, кюйюз чыкъды, ортасындан тюйюш чыкъды.
- Ойнай билмеген, оюн бузар.
- Ариу – кёзге, акъыл – джюрекге.
- Ариу сёз аурууунгу алыр.
- Джолда аягъынга сакъ бол, ушакъда тилинге сакъ бол.
- Акъыл бла адеб эгизледиле.
- Къарт бла баш аша, джаш бла аякъ аша.
- Эрине къаргъыш этген къатын, эрнин къабар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72