- Эри аманны, къатыны – аман.
- Ашатыргъа иш – ашхы, ишлетирге аш – ашхы.
- Джолунга кёре – джюрюшюнг, джагъанга кёре – юлюшюнг.
- Ханнга да келеди хариблик.
- Дууулдаса – бал чибин, къонса – къара чибин.
- Рысхы джалгъанды: келген да этер, кетген да этер.
- Сёлеш деб шай берген, тохта деб, сом берген.
- Бозанг болмагъан джерге, къалагъынгы сукъма.
- Керилген да, ургъан кибикди.
- Окъ къызбайны джокълайды.
- Минг тенг да азды, бир джау да кёбдю.
- Къызын тута билмеген, тул этер, джашын тута билмеген, къул этер.
- Агъач – джерни чырайы, кийим – эрни чырайы.
- Акъыл бла адеб эгизледиле.
- Ариу джол аджал келтирмез.
- Ачлыкъ отха секиртир.
- Уллу сёлешме да, уллу къаб.
- Хоншуну тауугъу къаз кёрюнюр, келини къыз кёрюнюр.
- Ёпкелегенни ашы татлы болады.
- Атынг аманнга чыкъгъандан эсе, джанынг тамагъынгдан чыкъсын.
- Чомарт къолда мал къалмаз.
- Ушамагъан – джукъмаз.
- Гугурук къычырмаса да, тангны атары къалмаз.
- Соргъан айыб тюлдю, билмеген айыбды.
- Ишни аллы бла къууанма да, арты бла къууан.
- Акъыллы башны – тили къысха.
- Джаханимни кёрмей, джандетге кёл салмазса.
- Элде адам къалмаса, ит тахтагъа минер.
- Гыдай эчки суугъа къараб, мюйюзле кёрмесе, джашма алкъын, дегенди.
- Ишни ахырын ойламай, аллын башлама.
- Къонакъны къачан кетерин сорма, къачан келлигин сор.
- Ауузу аманнга «иги», деме.
- Артына баргъанны, къатына барма.
- Джигер – джаннга къыйынлыкъ.
- Джолда аягъынга сакъ бол, ушакъда тилинге сакъ бол.
- Ашхы болсанг, атынг чыгъар, аман болсанг, джанынг чыгъар.
- Аш иеси бла татлыды.
- Ёнгкюч къууана барыр, джылай келир.
- Айырылмаз джууугъунга, унутмаз сёзню айтма.
- Эр сокъур болсун, къатын тилсиз болсун.
- Къарнынг къанлынга кийирир.
- Эртде тургъан бла эртде юйленнген сокъуранмаз.
- Аджашхан тёгерек айланыр.
- Къобан да къуру да къобханлай турмайды, адам да къуру да патчахлай турмайды.
- Таукел къуру къалмаз.
- Ёгюзню мюйюзюнден тутадыла, адамны сёзюнден тутадыла.
- Таукелге нюр джауар.
- Джюрекге ариу – кёзге да ариу.
- Ётюрюкден тюбю джокъ, кёлтюрюрге джиби джокъ.
- Аман къатын сабий табса, бий болур…
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72