- Ишлегенден, къарагъан уста.
- Иги адамны бир сёзю эки болмаз.
- Окъумагъан сокъурду, сокъур ташха абыныр!
- Экеулен сёлеше тура эселе, орталарына барыб кирме.
- Ушамагъан – джукъмаз.
- Суу да къайтады чыкъгъан джерине.
- Мал кёб болса, джууукъ кёб болур.
- Алгъанда – джууукъ, бергенде – джау.
- Ханы къызы буюгъа-буюгъа киштик болду.
- Ауузу бла къуш тута айланады.
- Кёз – сюйген джерде, къол – ауругъан джерде.
- Кеси юйюмде мен да ханма.
- Билим къая тешер.
- Къошда джокъгъа – юлюш джокъ.
- Эки итни арасына сюек атма, эки адамны арасында сёз чыгъарма.
- Ётюрюкчюню шагъаты – къатында.
- Тойгъа барсанг, тоюб бар, эски тонунгу къоюб бар.
- Адамны джюреги нени кёрюрге сюйсе, кёзю да аны кёрюрге ёч болады.
- Уллу атлама – абынырса, уллу къабма – къарылырса.
- Нарт сёз – тилни бети.
- Сагъышы джокъ – джукъучу, акъылы джокъ – къаугъачы.
- Адеб джокъда, намыс джокъ.
- Эшекни не къадар тюйсенг да, ат болмаз.
- Намыс болмагъан джерде, насыб болмаз.
- Биреуге аманлыкъ этиб, кесинге игилик табмазса.
- Ётюрюкню башын керти кесер.
- Ата Джуртча джер болмаз, туугъан элча эл болмаз.
- Къанны къан бла джуума, аманны аман бла къуума.
- Таш ата билмеген, башына урур.
- Адамгъа аман кюн соруб келмейди.
- Сёз сёзню айтдырыр.
- Къарнынг тойгъунчу аша да, белинг талгъынчы ишле.
- Джашны джигитлиги сорулур, къызны джигерлиги сорулур.
- Атадан ёксюз – бир ёксюз, анадан ёксюз – эки ёксюз.
- Биреуге кёлтюрген таягъынг, кесинги башынга урур.
- Халкъны юйю – туугъан джери.
- Этни бети бла шорпасы.
- Ишни аллы бла къууанма да, арты бла къууан.
- Халкъны джырын джырласанг, халкъ санга эжиу этер.
- Ойнаб айтсанг да, эслеб айт.
- Ауругъан – джашаудан умутчу.
- Асхат ашлыкъ сата, юйдегиси ачдан къата.
- Джырчы ёлсе, джыры къалыр.
- Ариу сёз – джаннга азыкъ, аман сёз – башха къазыкъ.
- Тёрдеги кюлсе, эшикдеги ышарыр.
- Терек ауса, отунчу – кёб.
- Ашхы тенг джолгъа салыр, аман тенг джолдан тайдырыр.
- Аш иеси бла татлыды.
- Дууулдаса – бал чибин, къонса – къара чибин.
- Ач, тоймам, дейди, тойгъан, ач болмам, дейди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72