- Ётюрюкчюню шагъаты – къатында.
- Ашхы тенг джолгъа салыр, аман тенг джолдан тайдырыр.
- Илму – джашауну джолу.
- Экиндини кеч къылсанг, чабыб джетер ашхам.
- Иги сёз – джаннга азыкъ, аман сёз башха – къазыкъ.
- Бойнуму джети джерден кессенг да, мен ол ишни этеллик тюлме.
- Джаш болсун, къыз болсун, акъылы, саны тюз болсун.
- Байлыкъ тауусулур, билим тауусулмаз.
- Байлыкъдан саулукъ ашхыды.
- Байлыкъ келсе, акъыл кетер.
- Джол бла сёзню къыйыры джокъ.
- Байлыкъ болгъан джерде, тынчлыкъ джокъду.
- Ашатыргъа иш – ашхы, ишлетирге аш – ашхы.
- Байма, деб да, къууанма, джарлыма, деб да, джылама.
- Булут кёкге джарашыу, уят бетге джарашыу.
- Башы джабылгъан челекге, кир тюшмез.
- Кютгени беш эчки, сызгъыргъаны уа, джерни джарады.
- Экеу тутушса, биреу джыгъылыр.
- Арыгъан къош чамчы болур.
- Ёгюзню мюйюзюнден тутадыла, адамны сёзюнден тутадыла.
- Тил – кесген бычакъ, сёз – атылгъан окъ.
- Аурууну келиую тынч, кетиую – къыйын.
- Тешигини къатында, чычхан да батыр болур.
- Суугъа – таянма, джаугъа – ийнанма.
- Кесинге джетмегенни, кёб сёлешме.
- Адеби болмагъан къыз – тузсуз хант.
- Тау башында, тау болмаз, джангыз терек, бау болмаз.
- Нёгерсизни джолу узун.
- Ауузу аманнга «иги», деме.
- Уясында не кёрсе, учханында аны этер.
- Аджалсыз ёлюм болмаз.
- Биреуге кёлтюрген таягъынг, кесинги башынга урур.
- Ач уят къоймаз.
- Иги сеники эсе да, сюйген кесимикин этеме.
- Ана – юйню кюн джарыгъы.
- Джогъун бар этген, барын бал этген.
- Таукелге нюр джауар.
- Чакъырылмагъан къонакъ тёрге атламаз.
- Ач келгенни – тойдур, кеч келгенни – къондур.
- Къарт болгъан джерде, берекет болур, сабий болгъан джерде, оюн болур.
- Къатыны харакетли болса, эри къымсыз болур.
- Ишленмеген джаш – джюгенсиз ат, ишленмеген къыз – тузсуз хант.
- Байны къызы баймакъ болса да, юйде къалмаз!
- Сакъламагъан затынга джолукъсанг, не бек къууанаса, не бек ачыйса.
- Къууут – джелге, берне – бошха.
- От кюйдюрген, сау болса да, тот кюйдюрген, сау болмаз.
- Арпа, будай – ащды, алтын, кюмюш а – ташды.
- Билмезни кёзю кёрмез, этмезни къулагъы эшитмез.
- Аш иеси бла татлыды.
- Элни кючю – эмеген.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72