- Тил бла келеди джыр да.
- Арпа, будай – ащды, алтын, кюмюш а – ташды.
- Артына баргъанны, къатына барма.
- Тамырсыз терекге таянма – джыгъылырса.
- Сабий болмагъан джерде, мёлек болмаз.
- Къыз чыгъаргъан – къызыл къымжа.
- Сибиртки да сыйлы болду, кюрек да кюнлю болду.
- Аджал соруб келмез, келсе, къайтыб кетмез.
- «Ёгюз, джаргъа джууукъ барма, меннге джюк боллукъса», - дегенди эшек.
- Харам къарнашдан, халал тенг ашхы.
- Башы ишлегенни, ауузу да ишлер.
- Байма, деб да, къууанма, джарлыма, деб да, джылама.
- Телиге от эт десенг, юйюнге от салыр.
- Арыгъан къош чамчы болур.
- Окъ къызбайны джокълайды.
- Джетген къыз джерли эшекни танымаз.
- Ат да турмайды бир териде.
- Джогъун бар этген, барын бал этген.
- Хаухну атма, ёнгкючню сатма.
- Ариу джол аджал келтирмез.
- Окъугъанны бети джарыкъ.
- Адебсиз адам – джюгенсиз ат.
- Ашарыкъда сайлагъаннга – чий гырджын.
- Джаным-тиним – окъуу, билим.
- Бет бетге къараса, бет да джерге къарар.
- Айтхан сёзюне табылгъан.
- Уясында не кёрсе, учханында аны этер.
- Намыс болмагъан джерде, насыб болмаз.
- Таукел адам тау тешер.
- Къан бла кирген, джан бла чыгъар.
- Къарт айтханны этмеген, къартаймаз.
- Къалгъан ишге къар джауар.
- Къобан да къуру да къобханлай турмайды, адам да къуру да патчахлай турмайды.
- Билеги кючлю, бирни джыгъар, билими кючлю, мингни джыгъар.
- Сабыр джетер муратха, сабырсыз къалыр уятха.
- Тёрде – темир таякълы, къаяда – чыпчыкъ аякълы.
- Игини сыйлагъан адетди.
- Ач отунчуну ачыуу – бурнунда.
- Ачыкъ джюрекге джол – ачыкъ.
- Асхат ашлыкъ сата, юйдегиси ачдан къата.
- Эшекни не къадар тюйсенг да, ат болмаз.
- Танг атмайма десе да, кюн къоярыкъ тюйюлдю.
- Татлы тилде – сёз ариу, чемер къолда – иш ариу.
- Бир абыннган – минг сюрюнюр.
- Юре билмеген ит, къонакъ келтирир.
- Тёзгеннге, джабылгъан эшик ачылыр.
- Адам къаллай бир ишленмесе, аллай бир кесин уллу кёреди.
- Адамгъа аман кюн соруб келмейди.
- Терслик кетер, тюзлюк джетер.
- Тойгъан джерге джети къайт.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72