Эльбрусоид :: Форум :: Архив форумов

Адебсиз адам – джюгенсиз ат.
Бёрю да ач къалмасын, эчки да ашалмасын.
Экеу тутушса, биреу джыгъылыр.
Бети къызарыучу адамны, джюреги харам болмаз.
Таш ата билмеген, башына урур.
Аманнга да, игиге да оноусуз къатышма.
Дууулдаса – бал чибин, къонса – къара чибин.
Джаш къарыу бла кючлю, къарт акъыл бла кючлю.
Накъырда – кертини келечиси.
Байны оноуу, джарлыгъа джарамаз.
Сакъалы текени да бар, мыйыгъы киштикни да бар.
Кёкдеги болмаса, джердегин кёрмейди.
Нёгерсизни джолу узун.
Чабар ат – джетген къыз.
Эр абынмай, эл танымаз.
Эл элде бирер малынг болгъандан эсе, бирер тенгинг болсун.
Уллу къашыкъ эрин джыртар.
Юй кюйдю да, кюйюз чыкъды, ортасындан тюйюш чыкъды.
Кесинге джетмегенни, кёб сёлешме.
Айырылмаз джууугъунга, унутмаз сёзню айтма.
Тойгъа алгъа да барма, тойда артха да къалма.
Ханы къызы буюгъа-буюгъа киштик болду.
Ашаса, ашамаса да, бёрюню ауузу – къан.
Аманны тукъумуна къарама, игини тукъумун сорма.
Айтылгъан сёз ызына къайтмаз.
Джолда аягъынга сакъ бол, ушакъда тилинге сакъ бол.
Ашыкъгъанны этеги бутуна чырмалыр.
Тик ёргени, тик энгишгеси да болады.
Джаралыны джастыгъында сау ёлюр.
Къонагъынгы артмагъын алма да, алгъышын ал.
Къыз келсе, джумуш эте келеди, къатын келсе, ушакъ эте келеди.
Ауузу аманнга «иги», деме.
Ишин билген, аны сыйын чыгъарады.
Билимли ёлмез, билимсиз кёрмез.
Баш – акъыл ючюн, акъылман – халкъ ючюн.
Айныгъанлы алты кюн, тогъайгъанлы тогъуз кюн.
Итли къонакъ джарашмаз.
Таукел къуру къалмаз.
Кёбден умут этиб, аздан къуру къалма.
Магъанасыз сёз – тауушсуз сыбызгъы.
Къан бла кирген, джан бла чыгъар.
Элни кючю – эмеген.
Ач бёрюге мекям джокъ.
Тыш элде солтан болгъандан эсе, кесинги элде олтан болгъан игиди!
Джыйырма къойну юч джыйырма эбзе кюте эди.
Билген билмегенни юретген адетди.
Кюн – узун, ёмюр – къысха.
Кёб къычыргъандан – къоркъма, тынч олтургъандан – къоркъ.
Бюгюн дуния кибик, тамбла ахыратды.
Дуния малгъа сатылма, кесингден телиге къатылма.

Логин:
Пароль:
	Запомнить меня на этом компьютере

Забыли свой пароль?
Регистрация