- Кийимни бир кюнню аясанг, минг кюннге джарар.
- Ашха уста, юйюнде болсун
- Ата Джуртча джер болмаз, туугъан элча эл болмаз.
- Тау башында, тау болмаз, джангыз терек, бау болмаз.
- Насыблы элин сюер, насыбсыз кесин сюер.
- Хаухну атма, ёнгкючню сатма.
- Аман адамны тепсинге олтуртсанг, къызынгы тилер.
- Ат да турмайды бир териде.
- Эшекни не къадар тюйсенг да, ат болмаз.
- Шекер бла туз – бир болмаз, ушамагъан – юй болмаз.
- Дууулдаса – бал чибин, къонса – къара чибин.
- Итли къонакъ джарашмаз.
- Эри аманны, къатыны – аман.
- Шайтан алдады, тюзлюк къаргъады.
- Адам къыйынлыгъын кёлтюрюр, зауукълугъун кёлтюрмез.
- Айранны сюйген, ийнек тутар.
- Байлыкъдан саулукъ ашхыды.
- Билимден уллу байлыкъ джокъду.
- Тойгъан джерден туугъан джер игиди.
- Ачны эсинде – аш.
- Аш кетер да бет къалыр.
- Къозулугъунда тоймагъан, къойлугъунда тоймаз.
- Экеу тутушса, биреу джыгъылыр.
- Адеби болмагъан къыз – тузсуз хант.
- Джыланны къуйругъундан басарынг келсе, аны башы болгъанын унутма.
- Нёгерсизни джолу узун.
- Аманны эки битли тону болур, бирин сеннге кийдирир, бирин кеси киер.
- Чомарт бергенин айтмаз.
- Хар адамгъа кеси миннген тау кибик.
- Кёзден кетген, кёлден да кетеди.
- Хар зат кесини орнуна иги.
- Оюмсуз атлагъан, аджалсыз ёлюр.
- Къолунгдан къуймакъ ашатсанг да, атаны борчундан къутулмазса.
- Мал тутхан – май джалар.
- Джюрекге ариу – кёзге да ариу.
- Ханы къызы буюгъа-буюгъа киштик болду.
- Таугъа чыгъаллыкъ эсенг, тюзде къалма.
- Тёзгеннге, джабылгъан эшик ачылыр.
- Таякъ этден ётер, тил сюекден ётер.
- Джауумдан сора, кюн кюйдюрюр, ётюрюкден сора, айыб кюйдюрюр.
- Бёрю да ач къалмасын, эчки да ашалмасын.
- Джарлыны эшигин махтагъан джабар.
- Ата джурт – алтын бешик.
- Адеб базарда сатылмаз.
- Суугъа – чабакъ, къаягъа – ыргъакъ.
- Элни кючю – эмеген.
- Эл тойса, тоймагъан, эл къойса, къоймагъан.
- Хазыр ашха – терен къашыкъ.
- Чакъырылмай келген къонакъ сыйланмай кетер.
- Адамны сыфатына къарама, сёзюне къара.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72