- Ашына кёре табагъы, балына кёре къалагъы.
- Сабийни джумушха джибер да, ызындан бар.
- Эринчекни эр алмаз, эр алса да, кёл салмаз, кёл салса да, кёб бармаз!
- Бал – татлы, балдан да бала – татлы.
- Алтыннга тот къонмаз.
- Тёрдеги кюлсе, эшикдеги ышарыр.
- Агъач халкъгъа алтынды, иссиликге салкъынды.
- Къызын тута билмеген, тул этер, джашын тута билмеген, къул этер.
- Дженгил джетерикме деб, узун джолну къоюб, къысхасын барма.
- Итли къонакъ джарашмаз.
- Душманны тышы – акъ, ичи – къара.
- Аш кетер да бет къалыр.
- Тас болгъан бычакъны сабы – алтын.
- Сабий кёргенин унутмаз.
- Къыз чыгъаргъан – къызыл къымжа.
- Эшекни не къадар тюйсенг да, ат болмаз.
- Ата джурт – алтын бешик.
- Айырылгъанланы айю ашар, бёлюннгенлени бёрю ашар.
- Ётюрюкчюню шагъаты – къатында.
- Хантына кёре тузу, юйюне кёре къызы.
- От кюйдюрген, сау болса да, тот кюйдюрген, сау болмаз.
- Къыз келсе, джумуш эте келеди, къатын келсе, ушакъ эте келеди.
- Ашхы тенг джолгъа салыр, аман тенг джолдан тайдырыр.
- Чакъырылмагъан къонакъ къачан кетерин сормаз.
- Джуртун къоругъан озар.
- Къуллукъчума, деб махтанма, къуллукъ – хаух джамчыды!
- Термилгенинги табмазса, кюлгенинге тюберсе.
- Кеси юйюмде мен да ханма.
- Ханы къызы буюгъа-буюгъа киштик болду.
- Биреуге кёлтюрген таягъынг, кесинги башынга урур.
- Босагъагъа джууукъ орун болса, ашыгъыб тёрге озма.
- Айтылгъан сёз ызына къайтмаз.
- Шекер бла туз – бир болмаз, ушамагъан – юй болмаз.
- Ёзденликни джайгъан – джокълукъ.
- Бозаны арты дауур болур.
- Аш берме да, къаш бер.
- Терек ауса, отунчу – кёб.
- Адам сёзюнден белгили.
- Телиге акъыл салгъандан эсе, ёлгеннге джан салырса.
- Тынгылагъан тынгы бузар.
- Адамны аманы адамны бети бла ойнар.
- Къызгъанчдан ычхыныр, мухардан ычхынмаз.
- Башы джабылгъан челекге, кир тюшмез.
- Сёз сёзню айтдырыр.
- Биреуню къыйынлыгъы бла кесинге джол ишлеме.
- Атынг аманнга чыкъгъандан эсе, джанынг тамагъынгдан чыкъсын.
- Адамны джюреги нени кёрюрге сюйсе, кёзю да аны кёрюрге ёч болады.
- Кёзден кетген, кёлден да кетеди.
- Къонагъынгы артмагъын алма да, алгъышын ал.
- Иши джокъну, сыйы джокъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72