Эльбрусоид :: Форум :: Архив форумов

Насыблы элин сюер, насыбсыз кесин сюер.
Кёб ант этген, кёб ётюрюк айтыр.
Чомарт джарлы болмаз.
Аш кетер да бет къалыр.
Арбаз сайлама да, хоншу сайла.
Тойчу джашха къарама, къойчу джашха къара.
Акъыл неден да кючлюдю.
Хата – гитчеден.
Адеб джокъда, намыс джокъ.
Хар адамгъа кеси миннген тау кибик.
Адамны аманы адамны бети бла ойнар.
Джумушакъ сёз къаты таякъны сындырыр.
Тойну къарнашы – харс, джырны къарнашы – эжиу.
Халкъны юйю – туугъан джери.
Хаухну атма, ёнгкючню сатма.
Аман киши кеси юйюнде – къонакъ.
Байлыкъдан саулукъ ашхыды.
Экеулен сёлеше тура эселе, орталарына барыб кирме.
Адам къаллай бир ишленмесе, аллай бир кесин уллу кёреди.
Эрни эр этерик да, къара джер этерик да, тиширыуду.
Эшекни не къадар тюйсенг да, ат болмаз.
Билмегенинги, билгеннге сор.
Джыланны къуйругъундан басарынг келсе, аны башы болгъанын унутма.
Ёпкелегенни ашы татлы болады.
Эм уллу байлыкъ – джан саулукъ.
Ашхы атаны – джашы ашхы, ашхы ананы – къызы ашхы.
Къонакъны къачан кетерин сорма, къачан келлигин сор.
Тёгюлген тюгел джыйылмайды.
Суугъа – чабакъ, къаягъа – ыргъакъ.
Башы джабылгъан челекге, кир тюшмез.
Къоркъакъны кёзю экили кёрюр.
Биреу къой излей, биреу той излей.
Арбаз къынгырды да, ийнек сауалмайма.
Чакъырылмагъан къонакъ тёрге атламаз.
Айыбны суу бла джууалмазса.
Битмегеннге сакъал – танг.
Кёкдеги болмаса, джердегин кёрмейди.
Чомарт бергенин айтмаз.
Аман хансны – урлугъу кёб.
Джумушакъ терекни къурт ашар.
Бюгюн дуния кибик, тамбла ахыратды.
Кюн кёрмеген, кюн кёрсе, кюндюз чыракъ джандырыр.
Баш – акъыл ючюн, акъылман – халкъ ючюн.
Мал кёб болса, джууукъ кёб болур.
Суу да къайтады чыкъгъан джерине.
Ётюрюкню башын керти кесер.
Къыз келсе, джумуш эте келеди, къатын келсе, ушакъ эте келеди.
Азыгъы аз, алгъа къабар, аты аман, алгъа чабар.
Ёксюзню къалачы уллу кёрюнюр.
Тилчи тилден къаныкъмаз.

Логин:
Пароль:
	Запомнить меня на этом компьютере

Забыли свой пароль?
Регистрация