- Акъыллы башны – тили къысха.
- Кийиминг бла танылма, адамлыкъ бла таныл.
- Ач къарынны, токъ билмез
- Ач уят къоймаз.
- Ашарыкъда сайлагъаннга – чий гырджын.
- Алма терегинден кери кетмез.
- Джогъун бар этген, барын бал этген.
- Бек анасы джыламаз.
- Адам къаллай бир ишленмесе, аллай бир кесин уллу кёреди.
- Къарт айтханны этмеген, къартаймаз.
- Орну джокъну – сыйы джокъ.
- Билгенни къолу къарны джандырыр.
- Аджал соруб келмез, келсе, къайтыб кетмез.
- Джюрекден джюрекге джол барды.
- Ёмюрлюк шохлукъну джел элтмез.
- Сабий кёргенин унутмаз.
- Адамны аманы адамны бети бла ойнар.
- Эки итни арасына сюек атма, эки адамны арасында сёз чыгъарма.
- Джылыгъа джылан илешир.
- Ёксюзню тилеги къабыл болур.
- Керек ташны ауурлугъу джокъ.
- Ётюрюкню башын керти кесер.
- Къыз тиширыу кеси юйюнде да къонакъды.
- Эшекни не къадар тюйсенг да, ат болмаз.
- Ишленмеген джаш – джюгенсиз ат, ишленмеген къыз – тузсуз хант.
- Нарт сёз къарт болмаз.
- Сескекли кесин билдирир.
- Билмейме деген – бир сёз
- Джаш болсун, къыз болсун, акъылы, саны тюз болсун.
- Тамбла алтындан бюгюн багъыр ашхы.
- Билеги кючлю, бирни джыгъар, билими кючлю, мингни джыгъар.
- Арба аугъандан сора, джол кёргюзтюучю кёб болур.
- Асхат ашлыкъ сата, юйдегиси ачдан къата.
- Бети къызарыучу адамны, джюреги харам болмаз.
- Иги адам абынса да, джангылмаз.
- Джюз элде джюз ёгюзюм болгъандан эсе, джюз джууугъум болсун.
- Джумушакъ сёз къаты таякъны сындырыр.
- Джауумдан сора, кюн кюйдюрюр, ётюрюкден сора, айыб кюйдюрюр.
- Джыйырма къойну юч джыйырма эбзе кюте эди.
- Къонакъ болсанг, ийнакъ бол.
- Ётюрюкню къуйругъу – бир тутум.
- Болджал ишни бёрю ашар.
- Къарт бла баш аша, джаш бла аякъ аша.
- Тойгъанлыкъ къойгъа джарашады.
- Хунаны тюбюн къазсанг, юсюнге ауар.
- Ёлюк кебинсиз къалмаз.
- Рысхы – сют юсюнде кёмюк кибикди.
- Ариу джол аджал келтирмез.
- Акъыл неден да кючлюдю.
- Термилгенинги табмазса, кюлгенинге тюберсе.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72