- Къызгъанчдан ычхыныр, мухардан ычхынмаз.
- Сабийни джумушха джибер да, ызындан бар.
- Биреуню къыйынлыгъы бла кесинге джол ишлеме.
- Тас болгъан бычакъны сабы – алтын.
- Адам туугъан джеринде, ит тойгъан джеринде.
- Иги джашны ышаны – аз сёлешиб, кёб тынгылар.
- Кесинг сынамагъан затны, адамгъа буюрма.
- Ишленмеген джаш – джюгенсиз ат, ишленмеген къыз – тузсуз хант.
- Келинин тута билмеген, къул этер, къызын тута билмеген, тул этер.
- Баш – акъыл ючюн, акъылман – халкъ ючюн.
- Дууулдаса – бал чибин, къонса – къара чибин.
- Тёгюлген тюгел джыйылмайды.
- Юйлю уругъа ит чабмаз.
- Тойчу джашха къарама, къойчу джашха къара.
- Ачны эсинде – аш.
- Джарлыны эшигин махтагъан джабар.
- Эркиши – от, тиширыу – суу.
- Къатын къылыкъсыз, эр тынчлыкъсыз.
- Ханнга да келеди хариблик.
- Ётген ёмюр – акъгъан суу.
- Адамны сабийин сюйген джюреги, бычакъча, джитиди.
- Урама да – ёледи, сатама да – келеди.
- Хоншуну тауугъу къаз кёрюнюр, келини къыз кёрюнюр.
- Тили узунну, намысы – къысха.
- Ач къарынны, токъ билмез
- Къайтырыкъ эшигинги, къаты уруб чыкъма.
- Джигер – джаннга къыйынлыкъ.
- Ашхы атаны – джашы ашхы, ашхы ананы – къызы ашхы.
- Ойнаб айтсанг да, эслеб айт.
- Экиндини кеч къылсанг, чабыб джетер ашхам.
- Сютню башын джалагъан къутулур, тюбюн ичген тутулур.
- Ишлегенден, къарагъан уста.
- Ач уят къоймаз.
- Магъанасыз сёз – тауушсуз сыбызгъы.
- Акъыллы башны – тили къысха.
- Сакъламагъан затынга джолукъсанг, не бек къууанаса, не бек ачыйса.
- Аш берме да, къаш бер.
- Элде адам къалмаса, ит тахтагъа минер.
- Эрни эр этерик да, къара джер этерик да, тиширыуду.
- Этни бети бла шорпасы.
- Акъылсызны джууукъгъа алма, акъыллыны кенгнге салма.
- Къартха ушагъан джаш – акъыллы, джашха ушагъан къарт – тели.
- Сабийликде юретмесенг, уллу болса – тюзелмез.
- Тиширыусуз юй – отсуз от джагъа.
- Иги адам абынса да, джангылмаз.
- Къарнынг ауруса, ауузунгу тый
- Сууда джау джокъ, кёб сёзде магъана джокъ.
- Экеу тутушса, биреу джыгъылыр.
- Джахил болса анасы, не билликди баласы?
- Тенгни тенглиги джашай барсанг билинир.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72