- Къая джолда джортма, ачыкъ сёзден къоркъма.
- Ариуну – ауруу кёб.
- От кюйдюрген, сау болса да, тот кюйдюрген, сау болмаз.
- Урунуу – насыбны анасы.
- Арпа, будай – ащды, алтын, кюмюш а – ташды.
- Ариу сёзде ауруу джокъ.
- Кирсизни – саны таза, халалны – къаны таза.
- Къарт болгъан джерде, берекет болур, сабий болгъан джерде, оюн болур.
- Урама да – ёледи, сатама да – келеди.
- Артына баргъанны, къатына барма.
- Тамчы таш тешер.
- Аз сёлешген, къайгъысыз турур.
- Джылар джаш, атасыны сакъалы бла ойнар.
- Къартха ушагъан джаш – акъыллы, джашха ушагъан къарт – тели.
- Аз айтсам, кёб ангылагъыз.
- Джюрек кёзден алгъа кёрюр.
- Арыгъан къош чамчы болур.
- Аджалсыз ёлюм болмаз.
- Сёз – кюмюш, джыр – алтын.
- Ётюрюкден тюбю джокъ, кёлтюрюрге джиби джокъ.
- Тюзлюк шохлукъну бегитир.
- Рысхы – сют юсюнде кёмюк кибикди.
- Хазыр ашха – терен къашыкъ.
- Мадар болса, къадар болур.
- Келгинчи, къонакъ уялыр, келгенден сора, къонакъбай уялыр.
- Сакъ юйюне сау барыр.
- Аман адамны тепсинге олтуртсанг, къызынгы тилер.
- Акъыл къартда, джашда тюйюлдю – башдады.
- Окъдан джара эртде-кеч болса да бителир, сёз джара, ёмюрге къалыр.
- Кечеси – аяз, кюню – къыш, джарлы къаргъагъа бир аш тюш!
- Ашда уялгъан – мухар, ишде уялгъан – хомух.
- Тура эдим джата, къайдан чыкъды хата?
- Къанны къан бла джуума, аманны аман бла къуума.
- Нёгерсизни джолу узун.
- Азыкъ аз болса, эртде орун сал.
- Ётген ёмюр – акъгъан суу.
- Алма терегинден кери кетмез.
- Накъырданы арты керти болур.
- Соргъан айыб тюлдю, билмеген айыбды.
- Чыбыкълыкъда бюгюлмеген, къазыкълыкъда бюгюлмей эди.
- Ханы къызы буюгъа-буюгъа киштик болду.
- Биреу къой излей, биреу той излей.
- Алтыда кюлмеген, алтмышда кюлмез.
- Тау башында, тау болмаз, джангыз терек, бау болмаз.
- Ауругъаннга – кийик саулукъ, джетген къызгъа – чилле джаулукъ.
- Асхат ашлыкъ сата, юйдегиси ачдан къата.
- Окъуусуз билим – джокъ, билимсиз кюнюнг – джокъ.
- Юй кюйдю да, кюйюз чыкъды, ортасындан тюйюш чыкъды.
- Къартны сыйын кёрмеген, къартлыгъында сыйлы болмаз.
- Ариу – кёзге, акъыл – джюрекге.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72