- Тилсиз миллет джокъ болур.
- Аман хансны – урлугъу кёб.
- Ат басханны джер билед.
- Акъыл къартда, джашда тюйюлдю – башдады.
- Ана къойну – балагъа джандет.
- Джарлыны тону джаз битер.
- Джаным-тиним – окъуу, билим.
- Тамырсыз терекге таянма – джыгъылырса.
- Терек ауса, отунчу – кёб.
- Ёлген эшек бёрюден къоркъмайды.
- Рысхы – сют юсюнде кёмюк кибикди.
- Кёлю джокъну – джолу джокъ.
- Уллу къазанда бишген эт, чий къалмаз.
- Алим болгъандан эсе, адам болгъан къыйынды.
- Терслик кетер, тюзлюк джетер.
- Садакъачыны джаны – къапчыгъында.
- Хар сёзню орну барды.
- Элни кючю – эмеген.
- Ачыкъ джюрекге джол – ачыкъ.
- Окъугъан озар, окъумагъан тозар.
- Ачылгъан эт джабылыр, кёрген кёз унутмаз.
- Ата Джуртун танымагъан, атасын да танымаз.
- Ёзденликни джайгъан – джокълукъ.
- Нафысынгы айтханын этме, намысынгы айтханын эт.
- Алтыннга тот къонмаз.
- Кёбден умут этиб, аздан къуру къалма.
- Акъыллы айтыр эди, акъылсыз къоймайды.
- Окъдан джара эртде-кеч болса да бителир, сёз джара, ёмюрге къалыр.
- Тойгъан антын унутур.
- Кёрмегеннге кебек – танг, битмегеннге сакъал – танг.
- Къонакъ аз олтурур, кёб сынар.
- Тура эдим джата, къайдан чыкъды хата?
- Акъыллы башны – тили къысха.
- Дженгил джетерикме деб, узун джолну къоюб, къысхасын барма.
- Ёпкелегенни ашы татлы болады.
- Джарлыны эшигин махтагъан джабар.
- Киштикге къанат битсе, чыпчыкъ къалмаз эди.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Акъыллы – эл иеси, тели – эл баласы.
- Адам къыйынлыгъын кёлтюрюр, зауукълугъун кёлтюрмез.
- Айранын берсенг, челегин да къызгъанма.
- Ач уят къоймаз.
- Туз, гырджын аша, тюзлюк бла джаша.
- Юйюнг бла джау болгъандан эсе, элинг бла джау бол.
- Берекет берсин деген джерде, берекет болур.
- Игиге айтсанг – билир, аманнга айтсанг – кюлюр.
- Чомартны къолун джокълукъ байлар.
- Рысхысына кёре, джаш ёсер, къышлыгъына кёре, мал ёсер.
- Адам сёзюнден белгили.
- Кёзюнде тереги болгъан, чёбю болгъаннга кюле эди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72