- Кёл – къызбай, къол – батыр.
- Адам сёзге тынгыла, акъыл сёзню ангыла.
- Ётген ёмюр – акъгъан суу.
- Биреуге аманлыкъ этиб, кесинге игилик табмазса.
- Сагъыш – къартлыкъгъа сюйюмчю.
- Биреуге кёлтюрген таягъынг, кесинги башынга урур.
- Аллахдан тилесенг, кёб тиле.
- Ачылгъан эт джабылыр, кёрген кёз унутмаз.
- Битмегеннге сакъал – танг.
- Ашатыргъа иш – ашхы, ишлетирге аш – ашхы.
- Ана къойну – балагъа джандет.
- Рысхы – сют юсюнде кёмюк кибикди.
- Джеринден айырылгъан – джети джылар, джуртундан айырылгъан – ёлгюнчю джылар.
- Эрни эр этерик да, къара джер этерик да, тиширыуду.
- Мал тутхан – май джалар.
- Тойгъа алгъа да барма, тойда артха да къалма.
- Намыс сатылыб алынмайды.
- Аманнга алтын чыдамаз.
- Эшекге миннген – биринчи айыб, андан джыгъылгъан – экинчи айыб.
- Адам боллукъ, атламындан белгили болур.
- Тёзген – тёш ашар!
- Къарнынг тойгъунчу аша да, белинг талгъынчы ишле.
- Керек ташны ауурлугъу джокъ.
- Итли къонакъ джарашмаз.
- Аллахха ийнаннган кишини, Аллах онгдурур ишин.
- Эри аманны, къатыны – аман.
- Джаш болсун, къыз болсун, акъылы, саны тюз болсун.
- Чабакъ башындан чирийди.
- Айранын берсенг, челегин да къызгъанма.
- Дуния аламаты сен эсенг да, игиме деб айтма.
- Эм ашхы къайын ана мамукъ бла башынгы тешер.
- Этни да ашады, бетни да ашады.
- Ата Джуртуму башы болмасам да, босагъасында ташы болайым.
- Къонакъ аман болса, къонакъбай джунчур
- Ушамагъан – джукъмаз.
- Урунуу – насыбны анасы.
- Джырчы джырчыгъа – къарнаш.
- Мал кёб болса, джууукъ кёб болур.
- Къарт болгъан джерде, берекет болур, сабий болгъан джерде, оюн болур.
- Рысхысына кёре, джаш ёсер, къышлыгъына кёре, мал ёсер.
- Джылыгъа джылан илешир.
- Джарлыны эшигин махтагъан джабар.
- Тилчиден кери бол.
- Иги адамны бир сёзю эки болмаз.
- Адамны сабийин сюйген джюреги, бычакъча, джитиди.
- Алим болгъандан эсе, адам болгъан къыйынды.
- Татлы сёз – балдан татлы.
- Ашыкъгъан cуу, тенгизге джетмез.
- Къыйынлы джети элни къайгъысын этер.
- Чомартха Тейри да борчлуду.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72