- Джаным-тиним – окъуу, билим.
- Ач къарынны, токъ билмез
- Окъуу – билимни ачхычы, окъуу – дунияны бачхычы.
- Хунаны тюбюн къазсанг, юсюнге ауар.
- Къонагъынгы артмагъын алма да, алгъышын ал.
- Байлыкъдан саулукъ ашхыды.
- Джашны джигитлиги сорулур, къызны джигерлиги сорулур.
- Дженгил джетерикме деб, узун джолну къоюб, къысхасын барма.
- Ашын ашагъанынгы, башын да сыйла.
- Рысхы – насыбха къор.
- Бастасын ашагъан, хантусун да ичер.
- Юй ишлеген балта эшикде къалыр.
- Къыз чыгъаргъан – къызыл къымжа.
- Аджалсыз ёлюм болмаз.
- Атлыны кёрсе, джаяуну буту талыр.
- Акъыл неден да кючлюдю.
- Тамчы таш тешер.
- Намыс болмагъан джерде, насыб болмаз.
- Мухардан ач ычхынмаз.
- Иесиз малны бёрю ашар.
- Кёл ашады да, кеси ашады.
- Тюз сёз баргъан сууну тыяр.
- Эринчекни аурууу – кёб.
- Башынга джетмегенни сорма.
- Эли джокъну – кёлю джокъ.
- Чакъырылмагъан къонакъ тёрге атламаз.
- От кюйдюрген, сау болса да, тот кюйдюрген, сау болмаз.
- Къулакъдан эсе, кёзге ышан.
- Башланнган иш битер, къымылдагъан тиш тюшер.
- Ётюрюк хапар аякъ тюбю бла джюрюйдю.
- Джарлы эскисин джамаса, къууаныр.
- Аш кетер да бет къалыр.
- Адеб этмеген, адеб кёрмез.
- Къайгъы тюбю – тенгиз.
- Ариу сёзде ауруу джокъ.
- Джиби бир къат джетмей эди да, эки къат тарта эди.
- Окъ къызбайны джокълайды.
- Агъач халкъгъа алтынды, иссиликге салкъынды.
- Юй кюйдю да, кюйюз чыкъды, ортасындан тюйюш чыкъды.
- Билмезни кёзю кёрмез, этмезни къулагъы эшитмез.
- Экеулен сёлеше тура эселе, орталарына барыб кирме.
- Бек анасы джыламаз.
- Билмегенинги, билгеннге сор.
- Аш берме да, къаш бер.
- Ишлемеген – тишлемез.
- Иги адам абынса да, джангылмаз.
- Намысы джокъну – дуниясы джокъ.
- Къарт айтханны этмеген, къартаймаз.
- Мен да «сен», дейме, сен да «кесим», дейсе.
- Бойнуму джети джерден кессенг да, мен ол ишни этеллик тюлме.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72