- Джетген къыз джерли эшекни танымаз.
- Тил – кесген бычакъ, сёз – атылгъан окъ.
- Джарлы джети элни сёзюн этер.
- Терслик кетер, тюзлюк джетер.
- Аджашхан тёгерек айланыр.
- Дженгил джетерикме деб, узун джолну къоюб, къысхасын барма.
- Иги джашны ышаны – аз сёлешиб, кёб тынгылар.
- Сютден ауузу кюйген, суугъа юфгюре эди.
- Кёпюр салгъан кеси ётер, уру къазгъан кеси кетер.
- Къобан да къуру да къобханлай турмайды, адам да къуру да патчахлай турмайды.
- Булут кёкге джарашыу, уят бетге джарашыу.
- Ашхы – джыяр, аман – джояр.
- Билмезни кёзю кёрмез, этмезни къулагъы эшитмез.
- Телиге акъыл салгъандан эсе, ёлгеннге джан салырса.
- Тилде сюек болмаса да, сюек сындырыр.
- Тамырсыз терекге таянма – джыгъылырса.
- Эр абынмай, эл танымаз.
- Хансыз джомакъ болмаз.
- Акъыл сабырлыкъ берир.
- Ишге юренсин къоллары, халкъ бла болсун джоллары.
- Бюгюн дуния кибик, тамбла ахыратды.
- Джашлыкъ этмеген, башлыкъ этмез.
- Уллу сёзде уят джокъ.
- Ашхы атаны – джашы ашхы, ашхы ананы – къызы ашхы.
- Аманнга да, игиге да оноусуз къатышма.
- Тынгылагъан тынгы бузар.
- Махтаннган къыз, тойда джукълар.
- Келлик заман – къартлыкъ келтирир, кетген заман – джашлыкъ ёлтюрюр.
- Къонакъ хазыр болгъанлыкъгъа, къонакъбай хазыр тюлдю.
- Тюзлюк тас болмайды.
- Тюзлюк шохлукъну бегитир.
- Игини сыйлагъан адетди.
- Ашын ашагъанынгы, башын да сыйла.
- Билим насыб берир, билим джолну керир.
- Алтыда кюлмеген, алтмышда кюлмез.
- Къыйынлы джети элни къайгъысын этер.
- Ана къолу ачытмаз.
- Зар адам ашынгы ашар, кесинги сатар.
- Джаралыны джастыгъында сау ёлюр.
- Шайтан алдады, тюзлюк къаргъады.
- Ашхылыкъ джерде джатмайды, аманлыкъ суугъа батмайды.
- Эр сокъур болсун, къатын тилсиз болсун.
- Юйюнгден чыкъдынг – кюнюнгден чыкъдынг.
- Сютню башын джалагъан къутулур, тюбюн ичген тутулур.
- Оюмсуз атлагъан, аджалсыз ёлюр.
- Къарын къуру болса, джюрек уру болур.
- Орундукъ тюбюнде атылсам да, орта джиликме, де да айлан.
- Ашлыкъ – бюртюкден, джюн – тюкден.
- Байма, деб да, къууанма, джарлыма, деб да, джылама.
- Баргъанынга кёре болур келгенинг.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72