Эльбрусоид :: Форум :: Архив форумов

Тюз сёз баргъан сууну тыяр.
Хатерли къул болур.
Джангыз торгъай джырламаз.
Ашаса, ашамаса да, бёрюню ауузу – къан.
Терек ауса, отунчу – кёб.
Уллу айтханны этмеген – уллаймаз.
Тойгъан антын унутур.
Бичгенде ашыкъма, тикгенде ашыкъ.
Ачны эсинде – аш.
Эки ойлашыб, бир сёлешген.
Къайгъы тюбю – тенгиз.
Садакъачыны джаны – къапчыгъында.
Алма терегинден кери кетмез.
Хар ишни да аллы къыйынды.
Адамны адамлыгъы къыйынлыкъда айгъакъланады.
Къарны аманнга къазан такъдырма, къолу аманнга от джакъдырма.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Иги болса, тамадама – махтау, аман болса, меннге – айыб.
Эшекге миннген – биринчи айыб, андан джыгъылгъан – экинчи айыб.
Уллу сёзде уят джокъ.
Къарнынг тойгъунчу аша да, белинг талгъынчы ишле.
Чарсда алчыны эл кёреди.
Сабийни джумушха джибер да, ызындан бар.
Эр абынмай, эл танымаз.
Ёпкелегенни ашы татлы болады.
Ачыу алгъа келсе, акъыл артха къалады.
Атлыны кёрсе, джаяуну буту талыр.
Биреуге аманлыкъны тилеме да, кесинге ашхылыкъны тиле.
Къарт болгъан джерде, берекет болур, сабий болгъан джерде, оюн болур.
Адам боллукъ, атламындан белгили болур.
Чомартха Тейри да борчлуду.
Ёмюрлюк шохлукъну джел элтмез.
Джаш къарыу бла кючлю, къарт акъыл бла кючлю.
Мал тутхан – май джалар.
Айтханы чапыракъдан ётмеген.
Айтылгъан сёз ызына къайтмаз.
Чомарт къолда мал къалмаз.
Къыз келсе, джумуш эте келеди, къатын келсе, ушакъ эте келеди.
Мал кёб болса, джууукъ кёб болур.
Кютгени беш эчки, сызгъыргъаны уа, джерни джарады.
Башынга джетмегенни сорма.
Кёзю сокъурдан – къоркъма, кёлю сокъурдан – къоркъ.
Окъуусуз билим – джокъ, билимсиз кюнюнг – джокъ.
Къарнынг ауруса, ауузунгу тый
Кёб ант этген, кёб ётюрюк айтыр.
Чабакъгъа акъыл, табагъа тюшсе келеди.
Ат да турмайды бир териде.
Кийимни бичсенг, кенг бич, тар этген къыйын тюлдю.
Чалманны аллы къалай башланса, арты да алай барады.
Адеби болмагъан къыз – тузсуз хант.

Логин:
Пароль:
	Запомнить меня на этом компьютере

Забыли свой пароль?
Регистрация