Эльбрусоид :: Форум :: Архив форумов

Окъдан джара эртде-кеч болса да бителир, сёз джара, ёмюрге къалыр.
Ач келгенни – тойдур, кеч келгенни – къондур.
Тамбла алтындан бюгюн багъыр ашхы.
Хантына кёре тузу, юйюне кёре къызы.
Экеу тутушса, биреу джыгъылыр.
Ишни ахырын ойламай, аллын башлама.
Насыб бютеу халкъны юлюшюдю.
Ач отунчуну ачыуу – бурнунда.
Сёз – кюмюш, джыр – алтын.
Ёзденликни джайгъан – джокълукъ.
Билмезни кёзю кёрмез, этмезни къулагъы эшитмез.
Бюгюн дуния кибик, тамбла ахыратды.
Ариу джол аджал келтирмез.
Уясында не кёрсе, учханында аны этер.
Дуния малгъа сатылма, кесингден телиге къатылма.
Адеб джокъда, намыс джокъ.
Чакъырылмагъан къонакъ – орунсуз.
Джарлыны эшигин махтагъан джабар.
Гугук кесини атын айтыб къычыргъанча, мен, мен деб нек тураса?
Уллу сёлешме да, уллу къаб.
Ариу сёз – къылычдан джити.
Ашда – бёрю, ишде – ёлю.
Кесинге джетмегенни, кёб сёлешме.
Тюзню ётмеги тюзде къалса да, тас болмаз.
Хар ишни да аллы къыйынды.
Тынгылагъан тынгы бузар.
Босагъагъа джууукъ орун болса, ашыгъыб тёрге озма.
Накъырда – кертини келечиси.
Чомартны къолун джокълукъ байлар.
Биреуге аманлыкъны тилеме да, кесинге ашхылыкъны тиле.
Тилде сюек болмаса да, сюек сындырыр.
Элни кючю – эмеген.
Аш кетер да бет къалыр.
Чабар ат – джетген къыз.
Тыш элде солтан болгъандан эсе, кесинги элде олтан болгъан игиди!
Баргъанынга кёре болур келгенинг.
Уруну арты – къуру.
Кёкдеги болмаса, джердегин кёрмейди.
Таукел къуру къалмаз.
Адеб базарда сатылмаз.
Чабакъ башындан чирийди.
Уллу суу бла уллу ауруудан башынгы сакъла.
Къоркъакъны кёзю экили кёрюр.
Ишлегенде эринме, ишде чолакъ кёрюнме.
Ушамагъан – джукъмаз.
Алтыннга тот къонмаз.
Чакъырылмагъан къонакъ тёрге атламаз.
Джаз бир кюнню джатсанг, къыш талай кюнню абынырса.
Юйюнгден чыкъдынг – кюнюнгден чыкъдынг.
Азыкълы ат арымаз, къатыны аман джарымаз.

Логин:
Пароль:
	Запомнить меня на этом компьютере

Забыли свой пароль?
Регистрация