- Тилчи бир сагъатха айлыкъ хата этер.
- Ата Джуртча джер болмаз, туугъан элча эл болмаз.
- Иги бла джюрюсенг, джетерсе муратынга, аман бла джюрюсенг, къалырса уятха.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Оюмсуз атлагъан, аджалсыз ёлюр.
- Джол бла сёзню къыйыры джокъ.
- Эте билген, этген этеди, эте билмеген, юретген этеди!
- Къарын къуру болса, джюрек уру болур.
- Юйюнгден чыкъдынг – кюнюнгден чыкъдынг.
- Чакъырылмагъан къонакъ тёрге атламаз.
- Эл бла кёргенинг эрелей.
- Ичимден чыкъды хата, къайры барайым сата?
- Баш болса, бёрк табылыр.
- Тил джюрекге джол ишлейди.
- Ёлюр джаннга, ёкюл джокъ.
- Билмейме деген – бир сёз
- Элге къуллукъ этмеген, элге ие болмаз.
- Эркиши – от, тиширыу – суу.
- Орну джокъну – сыйы джокъ.
- Бермеген къол, алмайды.
- Ёгюзню мюйюзюнден тутадыла, адамны сёзюнден тутадыла.
- Сютден ауузу кюйген, суугъа юфгюре эди.
- Джеринден айырылгъан – джети джылар, джуртундан айырылгъан – ёлгюнчю джылар.
- Босагъа таш юйге кирмей эди, тыбыр таш эшикге чыкъмай эди.
- Таш бла ургъанны, аш бла ур.
- Урунуу – насыбны анасы.
- Айранын берсенг, челегин да къызгъанма.
- Алма терегинден кери кетмез.
- Акъылсызны джууукъгъа алма, акъыллыны кенгнге салма.
- Акъыл сабырлыкъ берир.
- Тамчы таш тешер.
- Къатын байлыкъны сюер, эр саулукъну сюер.
- Джылыгъа джылан илешир.
- Ач уят къоймаз.
- Мен да «сен», дейме, сен да «кесим», дейсе.
- Ишлерге уял да, ашаргъа табма.
- Кёзден кетген, кёлден да кетеди.
- Эри аманны, къатыны – аман.
- Хансыз джомакъ болмаз.
- Аман къатын сабий табса, бий болур…
- Сёлеш деб шай берген, тохта деб, сом берген.
- Тынгылагъан тынгы бузар.
- Аман адам этегингден тутса, кес да къач.
- Ойнаб айтсанг да, эслеб айт.
- Къазанчы аман болса, къазаны къайнамаз.
- Джахил болса анасы, не билликди баласы?
- Битмегеннге сакъал – танг.
- Джаз бир кюнню джатсанг, къыш талай кюнню абынырса.
- Чомартны къолун джокълукъ байлар.
- Тойну къарнашы – харс, джырны къарнашы – эжиу.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72