Эльбрусоид :: Форум :: Архив форумов

Уллу атлама – абынырса, уллу къабма – къарылырса.
Эринчекге кюн узун.
Сыфатында болмагъаны, суратында болмаз.
Ойнаб айтсанг да, эслеб айт.
Чомарт къонакъ юй иесин сыйлар.
Ётюрюкден тюбю джокъ, кёлтюрюрге джиби джокъ.
Тюз сёз баргъан сууну тыяр.
Шекер бла туз – бир болмаз, ушамагъан – юй болмаз.
Къуллукъчума, деб махтанма, къуллукъ – хаух джамчыды!
Аш берме да, къаш бер.
Бастасын ашагъан, хантусун да ичер.
Арпа, будай – ащды, алтын, кюмюш а – ташды.
Къарт бла баш аша, джаш бла аякъ аша.
Берекет берсин деген джерде, берекет болур.
Рысхы – насыбха къор.
Мал кёб болса, джууукъ кёб болур.
Окъуу – билимни ачхычы, окъуу – дунияны бачхычы.
Хар ишни да аллы къыйынды.
Тилде сюек болмаса да, сюек сындырыр.
Тил джюрекге джол ишлейди.
Чыкълы кюнде чыкъмагъан, чыкъса къуру кирмеген.
Кеси юйюмде мен да ханма.
Тюзлюк шохлукъну бегитир.
Ёлген аслан – сау чычхан.
Тилчи тилден къаныкъмаз.
Мал тутхан – май джалар.
Аман къатын алгъан, арыр, иги къатын алгъан джарыр.
Къумурсхала джыйылсала, пилни да джыгъадыла.
Билимли ёлмез, билимсиз кёрмез.
Кёзюнде тереги болгъан, чёбю болгъаннга кюле эди.
Суу кетер, таш къалыр.
Адамны сыфатына къарама, сёзюне къара.
Билмезни кёзю кёрмез, этмезни къулагъы эшитмез.
Тили узунну, намысы – къысха.
Биреуге аманлыкъны тилеме да, кесинге ашхылыкъны тиле.
Айранны сюйген, ийнек тутар.
Адам бла мюлк юлешмеген эсенг, ол адамны билиб бошагъанма, деб кесинги алдама.
Адамны адамлыгъы къыйынлыкъда айгъакъланады.
Ауругъан – джашаудан умутчу.
Эл тойса, тоймагъан, эл къойса, къоймагъан.
Телиге акъыл салгъандан эсе, ёлгеннге джан салырса.
Бети – къучакълар, джюреги – бычакълар.
Баланы адам этген анады.
Джигер – джаннга къыйынлыкъ.
Алма терегинден кери кетмез.
Кёбге таш атма.
Джол бла сёзню къыйыры джокъ.
Ашлыкъны арба юйге келтирир, чана базаргъа элтир.
Тойгъан джерден туугъан джер игиди.
Кийимни бир кюнню аясанг, минг кюннге джарар.

Логин:
Пароль:
	Запомнить меня на этом компьютере

Забыли свой пароль?
Регистрация