- Садакъачыны джаны – къапчыгъында.
- Биреу ашаб къутулур, биреу джалаб тутулур.
- Адам сёзюнден белгили.
- Рысхысына кёре, джаш ёсер, къышлыгъына кёре, мал ёсер.
- Илму – джашауну джолу.
- Акъыл бла адеб эгизледиле.
- Чомартны къолу берекет.
- Къозулугъунда тоймагъан, къойлугъунда тоймаз.
- Къыйынлы джети элни къайгъысын этер.
- Къыз келсе, джумуш эте келеди, къатын келсе, ушакъ эте келеди.
- Аууздан келген, къолдан келсе, ким да патчах болур эди.
- Экиндини кеч къылсанг, чабыб джетер ашхам.
- Агъач – джерни чырайы, кийим – эрни чырайы.
- Аман адам этегингден тутса, кес да къач.
- Юйюнгден чыкъдынг – кюнюнгден чыкъдынг.
- Эринчекни аурууу – кёб.
- Харам къарнашдан, халал тенг ашхы.
- Ашыкъгъанны этеги бутуна чырмалыр.
- Иги бла джюрюсенг, джетерсе муратынга, аман бла джюрюсенг, къалырса уятха.
- Намысы болмагъанны, сыйы болмаз.
- Тилсиз миллет джокъ болур.
- Ишлегенден, къарагъан уста.
- Миллетни бойну – базыкъ, аны бла кюрешген – джазыкъ.
- Ишин билген, аны сыйын чыгъарады.
- Байны оноуу, джарлыгъа джарамаз.
- Кёзню ачылгъаны – иги, ауузну джабылгъаны – иги.
- Келлик заман – къартлыкъ келтирир, кетген заман – джашлыкъ ёлтюрюр.
- Джылыгъа джылан илешир.
- Телиге акъыл салгъандан эсе, ёлгеннге джан салырса.
- Байлыкъ тауусулур, билим тауусулмаз.
- Тюз сёз баргъан сууну тыяр.
- Кёкдеги болмаса, джердегин кёрмейди.
- Бал чибинни ургъаны – ачы, балы – татлы.
- Ётюрюкчюню шагъаты – къатында.
- Зар адам ашынгы ашар, кесинги сатар.
- Аджал соруб келмез, келсе, къайтыб кетмез.
- Айырылгъанланы айю ашар, бёлюннгенлени бёрю ашар.
- Эли джокъну – кёлю джокъ.
- Билеги кючлю, бирни джыгъар, билими кючлю, мингни джыгъар.
- Билим къая тешер.
- Хар адамгъа кеси миннген тау кибик.
- Тойгъан джерге джети къайт.
- Эшекни не къадар тюйсенг да, ат болмаз.
- Шекер бла туз – бир болмаз, ушамагъан – юй болмаз.
- Тенгинг джокъ эсе – изле, бар эсе – сакъла!
- Ауузу бла къуш тута айланады.
- Керти сёзге тёре джокъ.
- Къумурсхала джыйылсала, пилни да джыгъадыла.
- Къызны минг тилер, бир алыр.
- Джаз бир кюнню джатсанг, къыш талай кюнню абынырса.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72