- Сагъыш – къартлыкъгъа сюйюмчю.
- Берекет берсин деген джерде, берекет болур.
- Ачлыкъ отха секиртир.
- «Ма», - дегенни билмесенг, «бер», - дегенни билмезсе.
- Джумушакъ терекни къурт ашар.
- Махтаннган къыз, тойда джукълар.
- Урама да – ёледи, сатама да – келеди.
- Джумушакъ сёз къаты таякъны сындырыр.
- Аман эсирсе, юйюн ояр.
- Чакъырылмагъан къонакъ тёрге атламаз.
- Мураты болгъанны джюрек тебюую башхады.
- Чоюнну башы ачыкъ болса, итге уят керекди.
- Юй кюйдю да, кюйюз чыкъды, ортасындан тюйюш чыкъды.
- Ашын ашагъанынгы, башын да сыйла.
- Къонагъы джокъну – шоху джокъ.
- Ашда уялгъан – мухар, ишде уялгъан – хомух.
- Ёлмесенг да, къарт дамы болмазса?
- Элде адам къалмаса, ит тахтагъа минер.
- Этим кетсе да, сюегим къалыр.
- Адеб джокъда, намыс джокъ.
- Къарнынг бла ёч алма.
- Биреуге кёлтюрген таягъынг, кесинги башынга урур.
- Къар – келтирди, суу – элтди.
- Къарт бла баш аша, джаш бла аякъ аша.
- Таугъа чыгъаллыкъ эсенг, тюзде къалма.
- Ётюрюкчюню шагъаты – къатында.
- Огъурлуну сёзю – суу, огъурсузну сёзю – уу.
- Сескекли кесин билдирир.
- Къайтырыкъ эшигинги, къаты уруб чыкъма.
- Чабакъ башындан чирийди.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Ата джурт – алтын бешик.
- Тамчы таш тешер.
- Джогъун бар этген, барын бал этген.
- Этни бети бла шорпасы.
- Окъугъан озар, окъумагъан тозар.
- Билими азны – ауузунда кирит.
- Кёкдеги болмаса, джердегин кёрмейди.
- Кёлю джокъну – джолу джокъ.
- Къонакъ кёб келюучю юйню, къазаны отдан тюшмез.
- Кёб ант этген, кёб ётюрюк айтыр.
- Ургъан суудан башынгы сакъла.
- Сёлеш деб шай берген, тохта деб, сом берген.
- Тюз сёз баргъан сууну тыяр.
- Тилчиден кери бол.
- Акъыллы – эл иеси, тели – эл баласы.
- Гугурук къычырмаса да, тангны атары къалмаз.
- Джаз бир кюнню джатсанг, къыш талай кюнню абынырса.
- Айыбны суу бла джууалмазса.
- Эм ашхы къайын ана мамукъ бла башынгы тешер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72