- Чёбню кёлтюрсенг, тюбюнден сёз чыгъар.
- Бир онгсуз адам адет чыгъарды, деб эштирик тюлсе.
- Адамны бетине къарама, адетине къара.
- Ётюрюкден тюбю джокъ, кёлтюрюрге джиби джокъ.
- Кёбге таш атма.
- Сакъ юйюне сау барыр.
- Аз сёлеш, кёб ишле.
- Дуния аламаты сен эсенг да, игиме деб айтма.
- Окъугъанны бети джарыкъ.
- Ана къолу ачытмаз.
- Аман къатын сабий табса, бий болур…
- Дууулдаса – бал чибин, къонса – къара чибин.
- Къызны минг тилер, бир алыр.
- Махтаннган къыз, тойда джукълар.
- Кёзню ачылгъаны – иги, ауузну джабылгъаны – иги.
- Башы ишлегенни, ауузу да ишлер.
- Халкъгъа джарагъан, джарлы къалмаз.
- Ата Джуртун танымагъан, атасын да танымаз.
- Адамны сабийин сюйген джюреги, бычакъча, джитиди.
- Юйлю уругъа ит чабмаз.
- Эрни эр этерик да, къара джер этерик да, тиширыуду.
- Джеринден айырылгъан – джети джылар, джуртундан айырылгъан – ёлгюнчю джылар.
- Ашхы тенг джолгъа салыр, аман тенг джолдан тайдырыр.
- Байлыкъдан саулукъ ашхыды.
- Хаухну атма, ёнгкючню сатма.
- Байлыкъ тауусулур, билим тауусулмаз.
- Намыс болмагъан джерде, насыб болмаз.
- Ургъан суудан башынгы сакъла.
- Тили узунну, намысы – къысха.
- Кирсизни – саны таза, халалны – къаны таза.
- Аджашхан тёгерек айланыр.
- Тойчу джашха къарама, къойчу джашха къара.
- Ашхы адам – халкъ байлыгъы, ашхы джер – джашау байлыгъы.
- Элге къуллукъ этмеген, элге ие болмаз.
- Уллу айтханны этмеген – уллаймаз.
- Чакъырылгъанны аты, чакъырылмагъанны багъасы болур.
- Ёпкелегенни ашы татлы болады.
- Чакъырылмай келген къонакъ сыйланмай кетер.
- Байма, деб да, къууанма, джарлыма, деб да, джылама.
- Ауузу бла къуш тута айланады.
- Ач отунчуну ачыуу – бурнунда.
- Къарт айтханны этмеген, къартаймаз.
- Джумушакъ сёз къаты таякъны сындырыр.
- Бюгюн дуния кибик, тамбла ахыратды.
- Телини эшигин, махтау джабар.
- Акъыл аздырмаз, билим тоздурмаз.
- Тёрдеги кюлсе, эшикдеги ышарыр.
- Джырына кёре эжиую.
- Билмейме деген – бир сёз
- Ётюрюкчюню шагъаты – къатында.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72