- Тыш элде солтан болгъандан эсе, кесинги элде олтан болгъан игиди!
- Сескекли кесин билдирир.
- Орундукъ тюбюнде атылсам да, орта джиликме, де да айлан.
- Ашхы адам – халкъ байлыгъы, ашхы джер – джашау байлыгъы.
- Кёлсюзден сёзсюз тууар.
- Къая джолда джортма, ачыкъ сёзден къоркъма.
- Билмегенинги, билгеннге сор.
- Кёзю сокъурдан – къоркъма, кёлю сокъурдан – къоркъ.
- Адам къыйынлыгъын кёлтюрюр, зауукълугъун кёлтюрмез.
- Джыланны къуйругъундан басарынг келсе, аны башы болгъанын унутма.
- Элге къуллукъ этмеген, элге ие болмаз.
- Аманны тукъумуна къарама, игини тукъумун сорма.
- Ётюрюкчюню шагъаты – къатында.
- Эки къатын алгъанны къулагъы тынгнгаймаз.
- Аш иеси бла татлыды.
- Биреуге аманлыкъны тилеме да, кесинге ашхылыкъны тиле.
- Къыз тиширыу кеси юйюнде да къонакъды.
- Игини сыйлагъан адетди.
- Къартха ушагъан джаш – акъыллы, джашха ушагъан къарт – тели.
- Эл ауузу – элек, анга ийнаннган – халек.
- Кёпюр салгъан кеси ётер, уру къазгъан кеси кетер.
- Аманнга да, игиге да оноусуз къатышма.
- Aдам боллукъ, сыфатындан белгили.
- Азыкъ аз болса, эртде орун сал.
- Къумурсхала джыйылсала, пилни да джыгъадыла.
- Къонакъ кёб келюучю юйню, къазаны отдан тюшмез.
- Адеб базарда сатылмаз.
- Мухар, кеси тойса да, кёзю тоймаз.
- Кийимни бир кюнню аясанг, минг кюннге джарар.
- Артына баргъанны, къатына барма.
- Къобан да къуру да къобханлай турмайды, адам да къуру да патчахлай турмайды.
- Уллу сёлешме да, уллу къаб.
- Къралынгы – душмандан, башынгы от бла суудан сакъла.
- Арба аугъандан сора, джол кёргюзтюучю кёб болур.
- Къарт болгъан джерде, берекет болур, сабий болгъан джерде, оюн болур.
- Ишни аллы бла къууанма да, арты бла къууан.
- Насыблы элин сюер, насыбсыз кесин сюер.
- Ана къолу ачытмаз.
- Ишин билген, аны сыйын чыгъарады.
- Джогъун бар этген, барын бал этген.
- Аурууну келиую тынч, кетиую – къыйын.
- Ёлюр джаннга, ёкюл джокъ.
- Адамны аманы адамны бети бла ойнар.
- Эринчекни эр алмаз, эр алса да, кёл салмаз, кёл салса да, кёб бармаз!
- Иши джокъну, сыйы джокъ.
- Ашлыкъ – бюртюкден, джюн – тюкден.
- Билим ат болуб да чабар, къуш болуб да учар.
- Аманнга игилик этсенг, юйюнге сау бармазса.
- Сёз сёзню айтдырыр.
- Ана къойну – балагъа джандет.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72