- Къошда джокъгъа – юлюш джокъ.
- Джолда аягъынга сакъ бол, ушакъда тилинге сакъ бол.
- Кёзюнде тереги болгъан, чёбю болгъаннга кюле эди.
- Биреуню тёрюнден, кесинги эшик артынг игиди.
- Садакъачыны джаны – къапчыгъында.
- Къая джолда джортма, ачыкъ сёзден къоркъма.
- Аманны тукъумуна къарама, игини тукъумун сорма.
- Ашына кёре табагъы, балына кёре къалагъы.
- Узун джолну барсанг, бюгюн келирсе, къысха джолну барсанг, тамбла келирсе.
- Биреуге кёлтюрген таягъынг, кесинги башынга урур.
- Соргъан айыб тюлдю, билмеген айыбды.
- Айыбны суу бла джууалмазса.
- Биреу къой излей, биреу той излей.
- Ётюрюкчюню шагъаты – къатында.
- Чомартны къолу берекет.
- Билимден уллу байлыкъ джокъду.
- Къалгъан ишге къар джауар.
- Юре билмеген ит, къонакъ келтирир.
- Айырылгъанланы айю ашар, бёлюннгенлени бёрю ашар.
- Битмегеннге сакъал – танг.
- Махтаннган къыз, тойда джукълар.
- Ойнаб айтсанг да, эслеб айт.
- Ётюрюкден тюбю джокъ, кёлтюрюрге джиби джокъ.
- Кимни – тили, тиши онглу, кимни – къолу, иши онглу.
- Къатын байлыкъны сюер, эр саулукъну сюер.
- Бети бедерден, намыс сакълама.
- Намыс болмагъан джерде, насыб болмаз.
- Джырчы джырчыгъа – къарнаш.
- Суу ичген шауданынга тюкюрме.
- Кесинге джетмегенни, кёб сёлешме.
- Окъуусуз билим – джокъ, билимсиз кюнюнг – джокъ.
- Уллу сёзде уят джокъ.
- Терек ауса, отунчу – кёб.
- Джыгъылгъанны сырты джерден тоймаз.
- Бал – татлы, балдан да бала – татлы.
- Таукел къуру къалмаз.
- Джан саулукъ бермей, сан саулукъ бермезсе.
- Эм уллу байлыкъ – джан саулукъ.
- Кёз – сюйген джерде, къол – ауругъан джерде.
- Азыкъ аз болса, эртде орун сал.
- Чёбню кёлтюрсенг, тюбюнден сёз чыгъар.
- Ата Джуртча джер болмаз, туугъан элча эл болмаз.
- Уруну арты – къуру.
- Къонакъ аман болса, къонакъбай джунчур
- Тёрде – темир таякълы, къаяда – чыпчыкъ аякълы.
- Бети – къучакълар, джюреги – бычакълар.
- Аджашхан тёгерек айланыр.
- Айырылмаз джууугъунга, унутмаз сёзню айтма.
- Эринчекни эр алмаз, эр алса да, кёл салмаз, кёл салса да, кёб бармаз!
- Накъырданы арты керти болур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72