- Ачлыкъда тары гырджын халыуадан татлы.
- Джюрекден джюрекге джол барды.
- Ишни ахырын ойламай, аллын башлама.
- Джумушакъ сёз къаты таякъны сындырыр.
- Ургъан суудан башынгы сакъла.
- Тойгъа барсанг, тоюб бар, эски тонунгу къоюб бар.
- Ойнай билмеген, оюн бузар.
- Ата Джуртча джер болмаз, туугъан элча эл болмаз.
- Къайгъы тюбю – тенгиз.
- Билмегенинги, билгеннге сор.
- Рысхы – сют юсюнде кёмюк кибикди.
- Кёз – сюйген джерде, къол – ауругъан джерде.
- Ётюрюкден тюбю джокъ, кёлтюрюрге джиби джокъ.
- Арба аугъандан сора, джол кёргюзтюучю кёб болур.
- Билим къая тешер.
- Кёбге таш атма.
- Айтылгъан сёз ызына къайтмаз.
- Аджалсыз ёлюм болмаз.
- Билим ат болуб да чабар, къуш болуб да учар.
- Ариу сёз – къылычдан джити.
- Чомартха хар кюн да байрамды.
- Билгенни къолу къарны джандырыр.
- Зарда марда джокъ.
- Ат басханны джер билед.
- Байны къызы баймакъ болса да, юйде къалмаз!
- Джумушакъ терекни къурт ашар.
- Юй кюйдю да, кюйюз чыкъды, ортасындан тюйюш чыкъды.
- Кёзюнде тереги болгъан, чёбю болгъаннга кюле эди.
- Къызын тута билмеген, тул этер, джашын тута билмеген, къул этер.
- Уллу сёлешме да, уллу къаб.
- Хар зат кесини орнуна иги.
- Сабий кёргенин унутмаз.
- Ишге юренсин къоллары, халкъ бла болсун джоллары.
- Эри аманны, къатыны – аман.
- Билим насыб берир, билим джолну керир.
- Душманны тышы – акъ, ичи – къара.
- Хансыз джомакъ болмаз.
- Ариу сёзде ауруу джокъ.
- Ач уят къоймаз.
- Джюз элде джюз ёгюзюм болгъандан эсе, джюз джууугъум болсун.
- Кюлме джашха – келир башха.
- Туз, гырджын аша, тюзлюк бла джаша.
- Онгсузну – джакъла, тенгликни – сакъла.
- Джырына кёре эжиую.
- Гугук кесини атын айтыб къычыргъанча, мен, мен деб нек тураса?
- Таякъ этден ётер, тил сюекден ётер.
- Адеб джокъда, намыс джокъ.
- Эшекге миннген – биринчи айыб, андан джыгъылгъан – экинчи айыб.
- Ёлген аслан – сау чычхан.
- Алим болгъандан эсе, адам болгъан къыйынды.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72