- Аурууну келиую тынч, кетиую – къыйын.
- Тёзгеннге, джабылгъан эшик ачылыр.
- Иги сеники эсе да, сюйген кесимикин этеме.
- Кёл ашады да, кеси ашады.
- Телиге от эт десенг, юйюнге от салыр.
- Къарнынг тойгъунчу аша да, белинг талгъынчы ишле.
- Аманны тукъумуна къарама, игини тукъумун сорма.
- Билеги кючлю, бирни джыгъар, билими кючлю, мингни джыгъар.
- Юй кюйдю да, кюйюз чыкъды, ортасындан тюйюш чыкъды.
- Джаз бир кюнню джатсанг, къыш талай кюнню абынырса.
- Джангыз торгъай джырламаз.
- Азыкълы ат арымаз, къатыны аман джарымаз.
- Окъуусуз билим – джокъ, билимсиз кюнюнг – джокъ.
- Акъыл неден да кючлюдю.
- Кесинг сынамагъан затны, адамгъа буюрма.
- Джогъун бар этген, барын бал этген.
- Суугъа – таянма, джаугъа – ийнанма.
- Къайтырыкъ эшигинги, къаты уруб чыкъма.
- Айныгъанлы алты кюн, тогъайгъанлы тогъуз кюн.
- Ашда уялгъан – мухар, ишде уялгъан – хомух.
- Иги – алгъыш этер, аман – къаргъыш этер.
- Джаралыны джастыгъында сау ёлюр.
- Рысхы – сют юсюнде кёмюк кибикди.
- Тенги кёбню джау алмаз, акъылы кёбню дау алмаз.
- Ариу сёзде ауруу джокъ.
- Терек ауса, отунчу – кёб.
- Баш – акъыл ючюн, акъылман – халкъ ючюн.
- Татлы тилде – сёз ариу, чемер къолда – иш ариу.
- Билгенни къолу къарны джандырыр.
- Нёгерсизни джолу узун.
- Терслик кетер, тюзлюк джетер.
- Ач – эснер, ат – кишнер.
- Махтаннган къыз, тойда джукълар.
- Намыс болмагъан джерде, насыб болмаз.
- От кюйдюрген, сау болса да, тот кюйдюрген, сау болмаз.
- Иги сёз – джаннга азыкъ, аман сёз башха – къазыкъ.
- Джарлыны тону джаз битер.
- Накъырданы арты керти болур.
- Ата Джуртча джер болмаз, туугъан элча эл болмаз.
- Кесинге джетмегенни, кёб сёлешме.
- Кирсизни – саны таза, халалны – къаны таза.
- Ач, тоймам, дейди, тойгъан, ач болмам, дейди.
- Сескекли кесин билдирир.
- Эте билген, этген этеди, эте билмеген, юретген этеди!
- Бозанг болмагъан джерге, къалагъынгы сукъма.
- Эртде тургъан бла эртде юйленнген сокъуранмаз.
- Къолунгдан къуймакъ ашатсанг да, атаны борчундан къутулмазса.
- Джерни букъусу кёкге къонмаз.
- Чалманны аллы къалай башланса, арты да алай барады.
- Ёлмесенг да, къарт дамы болмазса?
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72