- Биреуню тёрюнден, кесинги эшик артынг игиди.
- Мухар, кеси тойса да, кёзю тоймаз.
- Дженгил джетерикме деб, узун джолну къоюб, къысхасын барма.
- Керилген да, ургъан кибикди.
- Аман къатын алгъан, арыр, иги къатын алгъан джарыр.
- Адеби болмагъан къыз – тузсуз хант.
- Кийиминг бла танылма, адамлыкъ бла таныл.
- Тойгъа алгъа да барма, тойда артха да къалма.
- Сабийликде юретмесенг, уллу болса – тюзелмез.
- Къууут – джелге, берне – бошха.
- Джарашыу сюйген – джалынчакъ.
- Эски джаугъа ышанма.
- Эркишиге тары кебек танг кёрюнюр.
- Байма, деб да, къууанма, джарлыма, деб да, джылама.
- Къонакъ болсанг, ийнакъ бол.
- Босагъа таш юйге кирмей эди, тыбыр таш эшикге чыкъмай эди.
- Зарда марда джокъ.
- Билим – акъылны чырагъы.
- Булут кёкге джарашыу, уят бетге джарашыу.
- Адамны бетине къарама, адетине къара.
- Джарлы эскисин джамаса, къууаныр.
- Шапа кёб болса, аш татымсыз болур.
- Ким бла джюрюсенг, аны кёзю бла кёрюнюрсе.
- Ишленмеклик адамлыкъды.
- Нёгерсизни джолу узун.
- Кесинге джетмегенни, кёб сёлешме.
- Гугук кесини атын айтыб къычыргъанча, мен, мен деб нек тураса?
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Ёксюзню къалачы уллу кёрюнюр.
- Тамбла алтындан бюгюн багъыр ашхы.
- Эрине къаргъыш этген къатын, эрнин къабар.
- Зар адамны насыбы болмаз.
- Къалгъан ишге къар джауар.
- Сютден ауузу кюйген, суугъа юфгюре эди.
- Таула не мийик болсала да, аууш табылыр.
- Ашатыргъа иш – ашхы, ишлетирге аш – ашхы.
- Тюз сёз баргъан сууну тыяр.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Атлыны кёрсе, джаяуну буту талыр.
- Уясында не кёрсе, учханында аны этер.
- Атадан ёксюз – бир ёксюз, анадан ёксюз – эки ёксюз.
- Сескекли кесин билдирир.
- Билгенни къолу къарны джандырыр.
- Экиндини кеч къылсанг, чабыб джетер ашхам.
- Бет бетге къараса, бет да джерге къарар.
- Къайтырыкъ эшигинги, къаты уруб чыкъма.
- Къарнынг ауруса, ауузунгу тый
- Эр абынмай, эл танымаз.
- Чарсда алчыны эл кёреди.
- Къаллай салам берсенг, аллай джууаб алырса.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72