- Тау башында, тау болмаз, джангыз терек, бау болмаз.
- Арыгъан къош чамчы болур.
- Татлы сёз – балдан татлы.
- Тюзлюк тас болмайды.
- Элге къуллукъ этмеген, элге ие болмаз.
- Тёгюлген тюгел джыйылмайды.
- Айырылгъанланы айю ашар, бёлюннгенлени бёрю ашар.
- Кимни – тили, тиши онглу, кимни – къолу, иши онглу.
- Махтаннган къыз, тойда джукълар.
- От этилмеген джерден тютюн чыкъмайды.
- Джаш болсун, къыз болсун, акъылы, саны тюз болсун.
- Джарашыу сюйген – джалынчакъ.
- Азыкълы ат арымаз, къатыны аман джарымаз.
- Юре билмеген ит, къонакъ келтирир.
- Иги сеники эсе да, сюйген кесимикин этеме.
- Джаханимни кёрмей, джандетге кёл салмазса.
- Келинин тута билмеген, къул этер, къызын тута билмеген, тул этер.
- Аджал соруб келмез, келсе, къайтыб кетмез.
- Къазанда болса, чолпугъа чыгъар.
- Дуния аламаты сен эсенг да, игиме деб айтма.
- Келгинчи, къонакъ уялыр, келгенден сора, къонакъбай уялыр.
- Къарын къуру болса, джюрек уру болур.
- Джюрек кёзден алгъа кёрюр.
- Нарт сёз къарт болмаз.
- Чомартны къолун джокълукъ байлар.
- Асхат ашлыкъ сата, юйдегиси ачдан къата.
- Келинни – келгинчи, бёркню кийгинчи кёр.
- Джашда акъыл джокъ, къартда къарыу джокъ.
- Ишленмеген джаш – джюгенсиз ат, ишленмеген къыз – тузсуз хант.
- Кёл ашады да, кеси ашады.
- Этим кетсе да, сюегим къалыр.
- Ариу сёз джыланны орнундан чыгъарыр.
- Джолунга кёре – джюрюшюнг, джагъанга кёре – юлюшюнг.
- Баш болса, бёрк табылыр.
- Бал – татлы, балдан да бала – татлы.
- Ариуну – ауруу кёб.
- Баргъанынга кёре болур келгенинг.
- Адебсиз адам – джюгенсиз ат.
- Кёл – къызбай, къол – батыр.
- Ашхы – джыяр, аман – джояр.
- Ачлыкъ отха секиртир.
- Аманны къуугъан, аманлыкъ табар.
- Къарт айтханны этмеген, къартаймаз.
- Мухар, кеси тойса да, кёзю тоймаз.
- Хаухну атма, ёнгкючню сатма.
- Рысхы – сют юсюнде кёмюк кибикди.
- Болджал ишни бёрю ашар.
- Кёкдеги болмаса, джердегин кёрмейди.
- Элде адам къалмаса, ит тахтагъа минер.
- Адебни адебсизден юрен.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72