- Бёрю да ач къалмасын, эчки да ашалмасын.
- Агъач халкъгъа алтынды, иссиликге салкъынды.
- Ашда уялгъан – мухар, ишде уялгъан – хомух.
- Айныгъанлы алты кюн, тогъайгъанлы тогъуз кюн.
- Адам сёзге тынгыла, акъыл сёзню ангыла.
- Аурууну келиую тынч, кетиую – къыйын.
- Таула не мийик болсала да, аууш табылыр.
- Къартны бурнун сюрт да, оноугъа тут.
- Адамны сабийин сюйген джюреги, бычакъча, джитиди.
- Тил бла келеди джыр да.
- Ата Джуртун танымагъан, атасын да танымаз.
- Билимден уллу байлыкъ джокъду.
- Тойгъан джерден туугъан джер игиди.
- Къонакъ хазыр болгъанлыкъгъа, къонакъбай хазыр тюлдю.
- Джетген къыз джерли эшекни танымаз.
- Адам къыйынлыгъын кёлтюрюр, зауукълугъун кёлтюрмез.
- Джырчы ёлсе, джыры къалыр.
- Ойнай билмеген, уруб къачар.
- Айран тёгюлсе, джугъусу къалыр.
- Тилчиден кери бол.
- Къыз чыгъаргъан – къызыл къымжа.
- Иги сёз – джаннга азыкъ, аман сёз башха – къазыкъ.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Киштикге къанат битсе, чыпчыкъ къалмаз эди.
- Кёлю джокъну – джолу джокъ.
- Аманнга игилик этсенг, юйюнге сау бармазса.
- Мал ёлсе, сюек къалыр, адам ёлсе, иши къалыр.
- Зар адам ашынгы ашар, кесинги сатар.
- Эл тойса, тоймагъан, эл къойса, къоймагъан.
- Айтылгъан буйрукъ, сёгюлмез
- Чабар ат – джетген къыз.
- Тыш элде солтан болгъандан эсе, кесинги элде олтан болгъан игиди!
- Кёкдеги болмаса, джердегин кёрмейди.
- Билим ат болуб да чабар, къуш болуб да учар.
- Окъуу – билимни ачхычы, окъуу – дунияны бачхычы.
- Айтылгъан сёз ызына къайтмаз.
- Байлыкъ болгъан джерде, тынчлыкъ джокъду.
- Сакъалы текени да бар, мыйыгъы киштикни да бар.
- Ариу джол аджал келтирмез.
- Айтханы чапыракъдан ётмеген.
- Къонакъ аман болса, къонакъбай джунчур
- Элиб деген, элге болушур.
- Байны къызы баймакъ болса да, юйде къалмаз!
- Джюрек кёзден алгъа кёрюр.
- Акъыллы – эл иеси, тели – эл баласы.
- Нарт сёз – тилни бети.
- Кийиминг бла танылма, адамлыкъ бла таныл.
- Огъурлуну сёзю – суу, огъурсузну сёзю – уу.
- Суу да къайтады чыкъгъан джерине.
- Ач къарынны, токъ билмез
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72