Эльбрусоид :: Форум :: Архив форумов

Бермеген къол, алмайды.
Айтылгъан буйрукъ, сёгюлмез
Эрине къаргъыш этген къатын, эрнин къабар.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Биреуню къыйынлыгъы бла кесинге джол ишлеме.
Ат да турмайды бир териде.
Тил – кесген бычакъ, сёз – атылгъан окъ.
Ауузу бла къуш тута айланады.
Накъырда – кертини келечиси.
Окъуусуз билим – джокъ, билимсиз кюнюнг – джокъ.
Тау башында, тау болмаз, джангыз терек, бау болмаз.
Кёзню ачылгъаны – иги, ауузну джабылгъаны – иги.
Ойнай билмеген, уруб къачар.
Айран тёгюлсе, джугъусу къалыр.
Акъыллы башны – тили къысха.
Джарашыу сюйген – джалынчакъ.
Уясында не кёрсе, учханында аны этер.
Сакъ юйюне сау барыр.
Кесинге джетмегенни, кёб сёлешме.
Босагъагъа джууукъ орун болса, ашыгъыб тёрге озма.
Башынга джетмегенни сорма.
Биреу къой излей, биреу той излей.
Оюмсуз атлагъан, аджалсыз ёлюр.
Къоркъакъны кёзю экили кёрюр.
Таукел тауну аудурур.
Эл тойса, тоймагъан, эл къойса, къоймагъан.
Ишни ахырын ойламай, аллын башлама.
Ёнгкюч къууана барыр, джылай келир.
Таугъа чыгъаллыкъ эсенг, тюзде къалма.
Чакъырылмагъан къонакъ къачан кетерин сормаз.
Ашхы – джыяр, аман – джояр.
Иесиз малны бёрю ашар.
Нарт сёз къарт болмаз.
Азыкъ аз болса, эртде орун сал.
Аман киши кеси юйюнде – къонакъ.
Таукелге нюр джауар.
Эски джаугъа ышанма.
Келинин тута билмеген, къул этер, къызын тута билмеген, тул этер.
Аууз сакълагъан – джан сакълар.
Дууулдаса – бал чибин, къонса – къара чибин.
Термилгенинги табмазса, кюлгенинге тюберсе.
Джылыгъа джылан илешир.
Ойнай-ойнай кёз чыгъар.
Къыйынлы джети элге оноу этер.
Магъанасыз сёз – тауушсуз сыбызгъы.
Окъдан джара эртде-кеч болса да бителир, сёз джара, ёмюрге къалыр.
Бичгенде ашыкъма, тикгенде ашыкъ.
Ёгюзню мюйюзлери ауурлукъ этмейдиле.
Сагъыш – къартлыкъгъа сюйюмчю.
Ёгюзню мюйюзюнден тутадыла, адамны сёзюнден тутадыла.

Логин:
Пароль:
	Запомнить меня на этом компьютере

Забыли свой пароль?
Регистрация