- Хар зат кесини орнуна иги.
- Акъыл аздырмаз, билим тоздурмаз.
- Къуллукъчума, деб махтанма, къуллукъ – хаух джамчыды!
- Ана къойну – балагъа джандет.
- Ата Джуртун танымагъан, атасын да танымаз.
- Къаллай салам берсенг, аллай джууаб алырса.
- Адеби болмагъан къыз – тузсуз хант.
- Къартны сыйын кёрмеген, къартлыгъында сыйлы болмаз.
- Кёбге таш атма.
- Къонагъы джокъну – шоху джокъ.
- Джаралыны джастыгъында сау ёлюр.
- Къонакъны къачан кетерин сорма, къачан келлигин сор.
- Кёз – сюйген джерде, къол – ауругъан джерде.
- Чабакъгъа акъыл, табагъа тюшсе келеди.
- Къайгъыны сюйген, къайгъы табар.
- Айыбны суу бла джууалмазса.
- Джылар джаш, атасыны сакъалы бла ойнар.
- Этим кетсе да, сюегим къалыр.
- Джогъун бар этген, барын бал этген.
- Ариу сёз – джаннга азыкъ, аман сёз – башха къазыкъ.
- Аман адам элни бир-бирине джау этер.
- Эри аманны, къатыны – аман.
- Уллу къазанда бишген эт, чий къалмаз.
- Къыз келсе, джумуш эте келеди, къатын келсе, ушакъ эте келеди.
- Акъыллы эркиши атын махтар, акъылсыз эркиши къатынын махтар.
- Иесиз малны бёрю ашар.
- Ач бёрюге мекям джокъ.
- Эл ауузу – элек, анга ийнаннган – халек.
- Таула не мийик болсала да, аууш табылыр.
- Мухардан ач ычхынмаз.
- Ач къарным, тынч къулагъым.
- Ётюрюкден тюбю джокъ, кёлтюрюрге джиби джокъ.
- Ашхы атаны – джашы ашхы, ашхы ананы – къызы ашхы.
- Чомартны къолу берекет.
- Байма, деб да, къууанма, джарлыма, деб да, джылама.
- Юреннген ауруу къалмаз.
- Баргъанынга кёре болур келгенинг.
- Ёпкелегенни ашы татлы болады.
- Ичимден чыкъды хата, къайры барайым сата?
- Бетинги сатма, малынгы сат.
- Ашхы адам – халкъ байлыгъы, ашхы джер – джашау байлыгъы.
- Бал чибинни ургъаны – ачы, балы – татлы.
- Къалгъан ишге къар джауар.
- Ат басханны джер билед.
- Аууз сакълагъан – джан сакълар.
- Сагъышы джокъ – джукъучу, акъылы джокъ – къаугъачы.
- Мен да «сен», дейме, сен да «кесим», дейсе.
- Ашхы болсанг, атынг чыгъар, аман болсанг, джанынг чыгъар.
- Этни бети бла шорпасы.
- Джангыз терек къынгыр ёсер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72