- Тойну къарнашы – харс, джырны къарнашы – эжиу.
- Бет бетге къараса, бет да джерге къарар.
- Джюрекге ариу – кёзге да ариу.
- Чакъырылмагъан джерге барма, чакъырылгъан джерден къалма.
- Дженгил джетерикме деб, узун джолну къоюб, къысхасын барма.
- Адам сёзге тынгыла, акъыл сёзню ангыла.
- Джангызны оту джарыкъ джанмаз!
- Зарда марда джокъ.
- Къуллукъчума, деб махтанма, къуллукъ – хаух джамчыды!
- Аман адам элни бир-бирине джау этер.
- Чомарт къолда мал къалмаз.
- Окъугъанны бети джарыкъ.
- Аз сёлеш, кёб ишле.
- Аман къатын алгъан, арыр, иги къатын алгъан джарыр.
- Ат басханны джер билед.
- Чабар ат – джетген къыз.
- Аш иеси бла татлыды.
- Таякъ этден ётер, тил сюекден ётер.
- Къарт айтханны этмеген, къартаймаз.
- Эркиши – от, тиширыу – суу.
- Къонагъы джокъну – шоху джокъ.
- Къонагъынгы артмагъын алма да, алгъышын ал.
- Мураты болгъанны джюрек тебюую башхады.
- Адамны бетине къарама, адетине къара.
- Азыгъы аз, алгъа къабар, аты аман, алгъа чабар.
- Ашыкъгъан cуу, тенгизге джетмез.
- Къолунгдан къуймакъ ашатсанг да, атаны борчундан къутулмазса.
- Башда акъыл болмаса, эки аякъгъа кюч джетер.
- Билмейме деген – бир сёз
- Ёмюрлюк шохлукъну джел элтмез.
- Айранны сюйген, ийнек тутар.
- Ойнай билмеген, уруб къачар.
- Тюз сёз баргъан сууну тыяр.
- Кёбню кёрген – кёб билир.
- Ойнаб айтсанг да, эслеб айт.
- Эрине къаргъыш этген къатын, эрнин къабар.
- Айтхан – тынч, этген – къыйын.
- Эл ауузу – элек, анга ийнаннган – халек.
- Хантына кёре тузу, юйюне кёре къызы.
- Ач, тоймам, дейди, тойгъан, ач болмам, дейди.
- Хатерли къул болур.
- Къолу уллу – асыу, аягъы уллу – джарсыу.
- Бети къызарыучу адамны, джюреги харам болмаз.
- Сабийликде юретмесенг, уллу болса – тюзелмез.
- Къонакъ аз олтурур, кёб сынар.
- Къалгъан ишге къар джауар.
- Къаллай салам берсенг, аллай джууаб алырса.
- Ханнга да келеди хариблик.
- Шайтан алдады, тюзлюк къаргъады.
- Къартны бурнун сюрт да, оноугъа тут.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72