- Шекер бла туз – бир болмаз, ушамагъан – юй болмаз.
- Ашлыкъ – бюртюкден, джюн – тюкден.
- Намысы джокъну – дуниясы джокъ.
- Окъугъан озар, окъумагъан тозар.
- Минг тенг да азды, бир джау да кёбдю.
- Бети – къучакълар, джюреги – бычакълар.
- Кёпюр салгъан кеси ётер, уру къазгъан кеси кетер.
- Кёб къычыргъандан – къоркъма, тынч олтургъандан – къоркъ.
- Ач къалгъандан, кеч къалгъан къолай.
- Игини сыйлагъан адетди.
- Юреннген ауруу къалмаз.
- Тёзгеннге, джабылгъан эшик ачылыр.
- Къалгъан ишге къар джауар.
- Акъыл къартда, джашда тюйюлдю – башдады.
- Намыс болмагъан джерде, насыб болмаз.
- Урама да – ёледи, сатама да – келеди.
- Алгъанда – джууукъ, бергенде – джау.
- Уллу суу бла уллу ауруудан башынгы сакъла.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Керилген да, ургъан кибикди.
- Чакъырылгъанны аты, чакъырылмагъанны багъасы болур.
- Борчунг бар эсе, хурджунунга ойлаб узал.
- Кимни – тили, тиши онглу, кимни – къолу, иши онглу.
- Бойнуму джети джерден кессенг да, мен ол ишни этеллик тюлме.
- Дууулдаса – бал чибин, къонса – къара чибин.
- Сагъыш – къартлыкъгъа сюйюмчю.
- Ёгюзню мюйюзюнден тутадыла, адамны сёзюнден тутадыла.
- Адеби болмагъан къыз – тузсуз хант.
- Иги бла джюрюсенг, джетерсе муратынга, аман бла джюрюсенг, къалырса уятха.
- Кёз – сюйген джерде, къол – ауругъан джерде.
- Тели турса – той бузар.
- Адам къаллай бир ишленмесе, аллай бир кесин уллу кёреди.
- Азыкълы ат арымаз, къатыны аман джарымаз.
- Тойгъанлыкъ къойгъа джарашады.
- Джукъу тёшек сайламайды.
- Ургъан суудан башынгы сакъла.
- Сангырау къулакъ эл бузар.
- Таула не мийик болсала да, аууш табылыр.
- Ач уят къоймаз.
- Сабийликде юретмесенг, уллу болса – тюзелмез.
- Къарнынг бла ёч алма.
- Ат басханны джер билед.
- Хата – гитчеден.
- Миллетни бойну – базыкъ, аны бла кюрешген – джазыкъ.
- Чомартны къолун джокълукъ байлар.
- Ата Джуртун танымагъан, атасын да танымаз.
- Къатыны харакетли болса, эри къымсыз болур.
- Этим кетсе да, сюегим къалыр.
- Дуния малгъа сатылма, кесингден телиге къатылма.
- Юйлю уругъа ит чабмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72