- Арыгъан къош чамчы болур.
- Тюкюрюк баш джармаз, налат кёз чыгъармаз!
- Терек ауса, отунчу – кёб.
- Къонакъны къачан кетерин сорма, къачан келлигин сор.
- Тиширыусуз юй – отсуз от джагъа.
- Агъач халкъгъа алтынды, иссиликге салкъынды.
- Акъыл къартда, джашда тюйюлдю – башдады.
- Бир абыннган – минг сюрюнюр.
- Къартны бурнун сюрт да, оноугъа тут.
- Акъыллы эркиши атын махтар, акъылсыз эркиши къатынын махтар.
- Кёкдеги болмаса, джердегин кёрмейди.
- Аууздан келген, къолдан келсе, ким да патчах болур эди.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Джуртун къоругъан озар.
- Ёксюзню тилеги къабыл болур.
- Чабакъ башындан чирийди.
- Иги джашны ышаны – аз сёлешиб, кёб тынгылар.
- Айныгъанлы алты кюн, тогъайгъанлы тогъуз кюн.
- Аман адам этегингден тутса, кес да къач.
- Азыгъы аз, алгъа къабар, аты аман, алгъа чабар.
- Джукъу тёшек сайламайды.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ётюрюкчюню шагъаты – къатында.
- Тойгъан джерден туугъан джер игиди.
- Билмегенинги, билгеннге сор.
- Кёпюр салгъан кеси ётер, уру къазгъан кеси кетер.
- Ёлюк кебинсиз къалмаз.
- Мал ёлсе, сюек къалыр, адам ёлсе, иши къалыр.
- Нарт сёз – тилни бети.
- Ишлегенде эринме, ишде чолакъ кёрюнме.
- Акъыл аздырмаз, билим тоздурмаз.
- Байны къызы баймакъ болса да, юйде къалмаз!
- Нёгерсизни джолу узун.
- Джаным-тиним – окъуу, билим.
- Ариу – кёзге, акъыл – джюрекге.
- Элге къуллукъ этмеген, элге ие болмаз.
- Байлыкъдан саулукъ ашхыды.
- Джахил болса анасы, не билликди баласы?
- Тойну къарнашы – харс, джырны къарнашы – эжиу.
- Сёз сёзню айтдырыр.
- Ашхы тенг джолгъа салыр, аман тенг джолдан тайдырыр.
- Аманнга игилик этсенг, юйюнге сау бармазса.
- Ачлыкъда тары гырджын халыуадан татлы.
- Къалгъан ишге къар джауар.
- Адеб базарда сатылмаз.
- Ариу сёз аурууунгу алыр.
- Кюлме джашха – келир башха.
- Ашхы адам – халкъ байлыгъы, ашхы джер – джашау байлыгъы.
- Аджашхан тёгерек айланыр.
- Ашхы сёз таш тешер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72