Эльбрусоид :: Форум :: Архив форумов

Джарлы тюеге минсе да, ит къабар.
Окъугъанны бети джарыкъ.
Ата – баланы уясы.
Бозаны арты дауур болур.
Сёз къанатсыз учар.
Къозулугъунда тоймагъан, къойлугъунда тоймаз.
Аякъларынгы джууургъанынга кёре узат.
Джумушакъ терекни къурт ашар.
Башынга джетмегенни сорма.
Чомартны къолун джокълукъ байлар.
Арпа, будай – ащды, алтын, кюмюш а – ташды.
Хар ишни да аллы къыйынды.
Нёгер болсанг, тенг бол, тенг болмасанг, кенг бол.
Юйлю уругъа ит чабмаз.
Тау башында, тау болмаз, джангыз терек, бау болмаз.
Джетген къыз джерли эшекни танымаз.
Ашхы тенг джолгъа салыр, аман тенг джолдан тайдырыр.
Тойгъа алгъа да барма, тойда артха да къалма.
Ётюрюкчюню шагъаты – къатында.
Сютден ауузу кюйген, суугъа юфгюре эди.
Кёбден умут этиб, аздан къуру къалма.
Къайтырыкъ эшигинги, къаты уруб чыкъма.
Тилчи тилден къаныкъмаз.
Ётюрюкден тюбю джокъ, кёлтюрюрге джиби джокъ.
Этек чакъмакълары баш джаргъан, сёлешген сёзлери таш джаргъан.
Адам бла мюлк юлешмеген эсенг, ол адамны билиб бошагъанма, деб кесинги алдама.
Керти сёзге тёре джокъ.
Биреуге аманлыкъ этиб, кесинге игилик табмазса.
Аууз сакълагъан – джан сакълар.
Сибиртки да сыйлы болду, кюрек да кюнлю болду.
Хантына кёре тузу, юйюне кёре къызы.
Кёзден кетген, кёлден да кетеди.
Ач бёрюге мекям джокъ.
Ёгюзню мюйюзюнден тутадыла, адамны сёзюнден тутадыла.
Миллетни бойну – базыкъ, аны бла кюрешген – джазыкъ.
Бал – татлы, балдан да бала – татлы.
Ёпкелегенни ашы татлы болады.
Эркишини аманы тиширыуну джылатыр.
Тойгъанлыкъ къойгъа джарашады.
Тёгюлген тюгел джыйылмайды.
Сакъ юйюне сау барыр.
Ачыкъ джюрекге джол – ачыкъ.
Азыгъы аз, алгъа къабар, аты аман, алгъа чабар.
Тилчиден кери бол.
Кёл ашады да, кеси ашады.
Сабий кёргенин унутмаз.
Къайгъыны сюйген, къайгъы табар.
Эрине къаргъыш этген къатын, эрнин къабар.
Ачылгъан эт джабылыр, кёрген кёз унутмаз.
Къарт бла баш аша, джаш бла аякъ аша.

Логин:
Пароль:
	Запомнить меня на этом компьютере

Забыли свой пароль?
Регистрация