- Джангыз терек къынгыр ёсер.
- Танг атмайма десе да, кюн къоярыкъ тюйюлдю.
- Эркиши – от, тиширыу – суу.
- Ётюрюкню башын керти кесер.
- Баргъанынга кёре болур келгенинг.
- Ишни ахырын ойламай, аллын башлама.
- Къарнынг бла ёч алма.
- Къатын къылыкъсыз, эр тынчлыкъсыз.
- Иги сеники эсе да, сюйген кесимикин этеме.
- Ат басханны джер билед.
- Зар адам ашынгы ашар, кесинги сатар.
- Алтыда кюлмеген, алтмышда кюлмез.
- Аман адам элни бир-бирине джау этер.
- Ёпкелегенни ашы татлы болады.
- Окъугъанны бети джарыкъ.
- Ёгюзню мюйюзлери ауурлукъ этмейдиле.
- Тамчы таш тешер.
- Айыбны суу бла джууалмазса.
- Элни кючю – эмеген.
- Аш хазыр болса, иш харам болур.
- Аз сёлешген, къайгъысыз турур.
- Бек анасы джыламаз.
- Юй ишлеген балта эшикде къалыр.
- Къыз келсе, джумуш эте келеди, къатын келсе, ушакъ эте келеди.
- Ауузу бла къуш тута айланады.
- Уллу къазанда бишген эт, чий къалмаз.
- Ышармагъан – кюлмез, кюлмеген – къууанчны билмез.
- Эртде тургъан бла эртде юйленнген сокъуранмаз.
- Малны кют, джерни тюрт.
- Телини эшигин, махтау джабар.
- Босагъагъа джууукъ орун болса, ашыгъыб тёрге озма.
- Ата – билек, ана – джюрек!
- Ашхылыкъ джерде джатмайды, аманлыкъ суугъа батмайды.
- Ишлегенде эринме, ишде чолакъ кёрюнме.
- Дуния малгъа сатылма, кесингден телиге къатылма.
- Орундукъ тюбюнде атылсам да, орта джиликме, де да айлан.
- Адебсиз адам – джюгенсиз ат.
- Садакъачыны джаны – къапчыгъында.
- Къазанчы аман болса, къазаны къайнамаз.
- Чёбню кёлтюрсенг, тюбюнден сёз чыгъар.
- Баланы адам этген анады.
- Юй кюйдю да, кюйюз чыкъды, ортасындан тюйюш чыкъды.
- Аджал соруб келмез, келсе, къайтыб кетмез.
- Къарны аманнга къазан такъдырма, къолу аманнга от джакъдырма.
- Бетинги сатма, малынгы сат.
- Тёгюлген тюгел джыйылмайды.
- Адамны бетине къарама, адетине къара.
- Ишни аллы бла къууанма да, арты бла къууан.
- Ачлыкъда тары гырджын халыуадан татлы.
- Экеу тутушса, биреу джыгъылыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72