- Къаллай салам берсенг, аллай джууаб алырса.
- Ёгюзню мюйюзюнден тутадыла, адамны сёзюнден тутадыла.
- Термилгенинги табмазса, кюлгенинге тюберсе.
- Ач бёрюге мекям джокъ.
- Джюрекден джюрекге джол барды.
- Баланы адам этген анады.
- Ата Джуртун танымагъан, атасын да танымаз.
- Мен да «сен», дейме, сен да «кесим», дейсе.
- Берекет берсин деген джерде, берекет болур.
- Иги бла джюрюсенг, джетерсе муратынга, аман бла джюрюсенг, къалырса уятха.
- Айырылгъанланы айю ашар, бёлюннгенлени бёрю ашар.
- Аджалсыз ёлюм болмаз.
- Кёзню ачылгъаны – иги, ауузну джабылгъаны – иги.
- Джырчы ёлсе, джыры къалыр.
- Адам боллукъ, атламындан белгили болур.
- Тик ёргени, тик энгишгеси да болады.
- Адамны джюреги нени кёрюрге сюйсе, кёзю да аны кёрюрге ёч болады.
- Джашда акъыл джокъ, къартда къарыу джокъ.
- Къызбайны юйюне дери сюрсенг, батыр болур.
- Таукел адам тау тешер.
- Ариу сёзде ауруу джокъ.
- Келинни – келгинчи, бёркню кийгинчи кёр.
- Ёмюрлюк шохлукъну джел элтмез.
- Чомартны къолу берекет.
- Билген билмегенни юретген адетди.
- Акъыл аздырмаз, билим тоздурмаз.
- Эм ашхы къайын ана мамукъ бла башынгы тешер.
- Атынг аманнга чыкъгъандан эсе, джанынг тамагъынгдан чыкъсын.
- Адамны артындан къара сабан сюрме.
- Адамны аманы адамны бети бла ойнар.
- Бичгенде ашыкъма, тикгенде ашыкъ.
- Рысхы джалгъанды: келген да этер, кетген да этер.
- Окъдан джара эртде-кеч болса да бителир, сёз джара, ёмюрге къалыр.
- Айраннга суу къош, телиге джол бош.
- Тойгъан антын унутур.
- Ат басханны джер билед.
- Юйюнгден чыкъдынг – кюнюнгден чыкъдынг.
- Харам къарнашдан, халал тенг ашхы.
- Эл тойса, тоймагъан, эл къойса, къоймагъан.
- Хар ишни да аллы къыйынды.
- Тил бла келеди джыр да.
- Билмегенинги, билгеннге сор.
- Ойнаб айтсанг да, эслеб айт.
- Окъугъанны бети джарыкъ.
- Адамны аты башхача, акъылы да башхады.
- Билмезни кёзю кёрмез, этмезни къулагъы эшитмез.
- Урунуу – насыбны анасы.
- Суугъа – таянма, джаугъа – ийнанма.
- Тойну къарнашы – харс, джырны къарнашы – эжиу.
- Ишни ахырын ойламай, аллын башлама.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72