- Танг атмайма десе да, кюн къоярыкъ тюйюлдю.
- Ачлыкъ отха секиртир.
- Къонагъынгы артмагъын алма да, алгъышын ал.
- Агъач халкъгъа алтынды, иссиликге салкъынды.
- Терек ауса, отунчу – кёб.
- Сёз сёзню айтдырыр.
- Къатыны харакетли болса, эри къымсыз болур.
- Орундукъ тюбюнде атылсам да, орта джиликме, де да айлан.
- Акъыл сабырлыкъ берир.
- Джашда акъыл джокъ, къартда къарыу джокъ.
- Кийим тукъум сордурур.
- Къонакъ кёб келюучю юйню, къазаны отдан тюшмез.
- Ат басханны джер билед.
- Ата – билек, ана – джюрек!
- Аджашханны ызындагъы кёреди, джангылгъанны джанындагъы биледи.
- Кесине оноу эте билмеген, халкъына да эте билмез.
- Джукъу тёшек сайламайды.
- Ышармагъан – кюлмез, кюлмеген – къууанчны билмез.
- Бек анасы джыламаз.
- Ёлюк кебинсиз къалмаз.
- Нёгер болсанг, тенг бол, тенг болмасанг, кенг бол.
- Джюрекден джюрекге джол барды.
- Эрине къаргъыш этген къатын, эрнин къабар.
- Сангырау къулакъ эл бузар.
- Юреннген ауруу къалмаз.
- Къонакъны къачан кетерин сорма, къачан келлигин сор.
- Чакъырылмай келген къонакъ сыйланмай кетер.
- Кесинге джетмегенни, кёб сёлешме.
- Ханы къызы буюгъа-буюгъа киштик болду.
- Ариу сёз – къылычдан джити.
- Ким бла джюрюсенг, аны кёзю бла кёрюнюрсе.
- Эринчекни эр алмаз, эр алса да, кёл салмаз, кёл салса да, кёб бармаз!
- Азыгъы аз, алгъа къабар, аты аман, алгъа чабар.
- Джырына кёре эжиую.
- Телиге акъыл салгъандан эсе, ёлгеннге джан салырса.
- Ёлген эшек бёрюден къоркъмайды.
- Башынга джетмегенни сорма.
- Зарда марда джокъ.
- Къарнынг къанлынга кийирир.
- Ишлегенде эринме, ишде чолакъ кёрюнме.
- Тойгъа алгъа да барма, тойда артха да къалма.
- Чомарт джарлы болмаз.
- Тиширыусуз юй – отсуз от джагъа.
- Тил – миллетни джаны.
- Алтыннга тот къонмаз.
- Кюлме джашха – келир башха.
- Эшекге миннген – биринчи айыб, андан джыгъылгъан – экинчи айыб.
- Ата Джуртча джер болмаз, туугъан элча эл болмаз.
- Тенги кёбню джау алмаз, акъылы кёбню дау алмаз.
- Мал ёлсе, сюек къалыр, адам ёлсе, иши къалыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72