- Ариу сёз – къылычдан джити.
- Къуллукъчума, деб махтанма, къуллукъ – хаух джамчыды!
- Ач отунчуну ачыуу – бурнунда.
- Дууулдаса – бал чибин, къонса – къара чибин.
- Азыкълы ат арымаз, къатыны аман джарымаз.
- Болджал ишни бёрю ашар.
- Иги – алгъыш этер, аман – къаргъыш этер.
- Ата Джуртча джер болмаз, туугъан элча эл болмаз.
- Юре билмеген ит, къонакъ келтирир.
- От этилмеген джерден тютюн чыкъмайды.
- Олтуруб кёрюнмей эди да, ёрге туруб кёрюне эди.
- Аш кетер да бет къалыр.
- Адамны адамлыгъы къыйынлыкъда айгъакъланады.
- Сормай – алма, чакъырылмай – барма.
- Ауурну тюбю бла, дженгилни башы бла джюрюген.
- Юй ишлеген балта эшикде къалыр.
- Акъыл аздырмаз, билим тоздурмаз.
- Суугъа – чабакъ, къаягъа – ыргъакъ.
- Ата – билек, ана – джюрек!
- Къарнынг тойгъунчу аша да, белинг талгъынчы ишле.
- Тешик этген тынчды, аны джамагъан къыйынды.
- Магъанасыз сёз – тауушсуз сыбызгъы.
- Чыкълы кюнде чыкъмагъан, чыкъса къуру кирмеген.
- Къыйынлы джети элге оноу этер.
- Акъыллы башны – тили къысха.
- Рысхы – сют юсюнде кёмюк кибикди.
- Адам сёзге тынгыла, акъыл сёзню ангыла.
- Намыс сатылыб алынмайды.
- Кёкдеги болмаса, джердегин кёрмейди.
- Бек анасы джыламаз.
- Тура эдим джата, къайдан чыкъды хата?
- Ауругъан – джашаудан умутчу.
- Тил бла келеди джыр да.
- Джашда акъыл джокъ, къартда къарыу джокъ.
- Аман къатын сабий табса, бий болур…
- Тилде сюек болмаса да, сюек сындырыр.
- Ана къолу ачытмаз.
- Тешигини къатында, чычхан да батыр болур.
- Ишленмеген джаш – джюгенсиз ат, ишленмеген къыз – тузсуз хант.
- Ишлегенден, къарагъан уста.
- Ауузу бла къуш тута айланады.
- Дуния малгъа сатылма, кесингден телиге къатылма.
- Нёгер болсанг, тенг бол, тенг болмасанг, кенг бол.
- Билгенни къолу къарны джандырыр.
- Биреу къой излей, биреу той излей.
- Чакъырылмагъан джерге барма, чакъырылгъан джерден къалма.
- Ачны эсинде – аш.
- Къая джолда джортма, ачыкъ сёзден къоркъма.
- Билимли ёлмез, билимсиз кёрмез.
- Телиге акъыл салгъандан эсе, ёлгеннге джан салырса.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72