- Адамны сабийин сюйген джюреги, бычакъча, джитиди.
- Къарны аманнга къазан такъдырма, къолу аманнга от джакъдырма.
- Бети – къучакълар, джюреги – бычакълар.
- Чоюнну башы ачыкъ болса, итге уят керекди.
- Джюрек кёзден алгъа кёрюр.
- Ашына кёре табагъы, балына кёре къалагъы.
- Аман адам элни бир-бирине джау этер.
- Иги – алгъыш этер, аман – къаргъыш этер.
- Джарлыны эшигин махтагъан джабар.
- Къарыусузгъа кюлме, онгсузгъа тийме.
- От этилмеген джерден тютюн чыкъмайды.
- Ашхы сёз таш тешер.
- Бир онгсуз адам адет чыгъарды, деб эштирик тюлсе.
- Къыз келсе, джумуш эте келеди, къатын келсе, ушакъ эте келеди.
- Къуру гыбыт бек дыгъырдар.
- Тили узунну, намысы – къысха.
- Таугъа чыгъаллыкъ эсенг, тюзде къалма.
- Тойгъанлыкъ къойгъа джарашады.
- Байлыкъдан саулукъ ашхыды.
- Азыкълы ат арымаз, къатыны аман джарымаз.
- Терслик кетер, тюзлюк джетер.
- Сакъ юйюне сау барыр.
- Бет бетге къараса, бет да джерге къарар.
- Бастасын ашагъан, хантусун да ичер.
- Джети тилни билген джети кишиди.
- Ашхы адам – халкъ байлыгъы, ашхы джер – джашау байлыгъы.
- Баш – акъыл ючюн, акъылман – халкъ ючюн.
- Эртде тургъан бла эртде юйленнген сокъуранмаз.
- Къонакъ аман болса, къонакъбай джунчур
- Ёлюр джаннга, ёкюл джокъ.
- Баргъанынга кёре болур келгенинг.
- Алма терегинден кери кетмез.
- Къайгъыны сюйген, къайгъы табар.
- Адебсиз адам – джюгенсиз ат.
- Ёпкелегенни ашы татлы болады.
- Бюгюн дуния кибик, тамбла ахыратды.
- Хантына кёре тузу, юйюне кёре къызы.
- Тойгъан джерге джети къайт.
- Телиге от эт десенг, юйюнге от салыр.
- Джаш болсун, къыз болсун, акъылы, саны тюз болсун.
- Бёрю да ач къалмасын, эчки да ашалмасын.
- Башынга джетмегенни сорма.
- Ашатыргъа иш – ашхы, ишлетирге аш – ашхы.
- Къулакъдан эсе, кёзге ышан.
- Юйлю уругъа ит чабмаз.
- Азыкъ аз болса, эртде орун сал.
- Баланы адам этген анады.
- Биреуге аманлыкъны тилеме да, кесинге ашхылыкъны тиле.
- Экиндини кеч къылсанг, чабыб джетер ашхам.
- Къыйынлы джети элге оноу этер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72