- Атлыны ашхысы, ат тизгининден билинир
- Сёз садакъдан кючлюдю.
- Ач бёрюге мекям джокъ.
- Ким бла джюрюсенг, аны кёзю бла кёрюнюрсе.
- Таякъ этден ётер, тил сюекден ётер.
- Адам къаллай бир ишленмесе, аллай бир кесин уллу кёреди.
- Ата – баланы уясы.
- Байдан умут эте, джарлыдан ёгюз багъасы къорады.
- Хатерли къул болур.
- Тил – миллетни джаны.
- Юйлю уругъа ит чабмаз.
- Ач отунчуну ачыуу – бурнунда.
- Алтыннга тот къонмаз.
- Айыбны суу бла джууалмазса.
- Билмегенинги, билгеннге сор.
- Бир онгсуз адам адет чыгъарды, деб эштирик тюлсе.
- Тил бла келеди джыр да.
- Тёрде – темир таякълы, къаяда – чыпчыкъ аякълы.
- Ашхы болсанг, атынг чыгъар, аман болсанг, джанынг чыгъар.
- Эринчекни эр алмаз, эр алса да, кёл салмаз, кёл салса да, кёб бармаз!
- Мал кёб болса, джууукъ кёб болур.
- Кюлме джашха – келир башха.
- Иги сёз – джаннга азыкъ, аман сёз башха – къазыкъ.
- Иги адамны бир сёзю эки болмаз.
- Бети къызарыучу адамны, джюреги харам болмаз.
- Ишни ахырын ойламай, аллын башлама.
- Баш болса, бёрк табылыр.
- Юй ишлеген балта эшикде къалыр.
- Тешик этген тынчды, аны джамагъан къыйынды.
- Ашын ашагъанынгы, башын да сыйла.
- Арба аугъандан сора, джол кёргюзтюучю кёб болур.
- Къар – келтирди, суу – элтди.
- Тойгъан джерден туугъан джер игиди.
- Тау башында, тау болмаз, джангыз терек, бау болмаз.
- Кёзюнде тереги болгъан, чёбю болгъаннга кюле эди.
- Кийимни бичсенг, кенг бич, тар этген къыйын тюлдю.
- Къыйынлы джети элге оноу этер.
- Мураты болгъанны джюрек тебюую башхады.
- Джаш къарыу бла кючлю, къарт акъыл бла кючлю.
- Этим кетсе да, сюегим къалыр.
- Джюрекге ариу – кёзге да ариу.
- Аман къатын сабий табса, бий болур…
- Бермеген къол, алмайды.
- Аш берме да, къаш бер.
- Аман къатын алгъан, арыр, иги къатын алгъан джарыр.
- Тёрени джагъы джокъ.
- Тели турса – той бузар.
- Къонагъынгы артмагъын алма да, алгъышын ал.
- Элге къуллукъ этмеген, элге ие болмаз.
- Тюзню ётмеги тюзде къалса да, тас болмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72