- Ата Джуртуму башы болмасам да, босагъасында ташы болайым.
- Башланнган иш битер, къымылдагъан тиш тюшер.
- Акъыл сабырлыкъ берир.
- Тешик этген тынчды, аны джамагъан къыйынды.
- Билим къая тешер.
- Къызны минг тилер, бир алыр.
- Къыз келсе, джумуш эте келеди, къатын келсе, ушакъ эте келеди.
- Хар зат кесини орнуна иги.
- Джылар джаш, атасыны сакъалы бла ойнар.
- Ичимден чыкъды хата, къайры барайым сата?
- Адебсиз адам – джюгенсиз ат.
- Юй ишлеген балта эшикде къалыр.
- Эртде тургъан джылкъычыны эркек аты тай табар.
- Сибиртки да сыйлы болду, кюрек да кюнлю болду.
- Ишни аллы бла къууанма да, арты бла къууан.
- Къанны къан бла джуума, аманны аман бла къуума.
- Зарда марда джокъ.
- Ёзденликни джайгъан – джокълукъ.
- Билим насыб берир, билим джолну керир.
- Адам туугъан джеринде, ит тойгъан джеринде.
- Кесинг сынамагъан затны, адамгъа буюрма.
- Урама да – ёледи, сатама да – келеди.
- Къаллай салам берсенг, аллай джууаб алырса.
- Тил джюрекге джол ишлейди.
- Джангыз терек къынгыр ёсер.
- Аууз сакълагъан – джан сакълар.
- Джыланны къуйругъундан басарынг келсе, аны башы болгъанын унутма.
- «Ма», - дегенни билмесенг, «бер», - дегенни билмезсе.
- Адебни адебсизден юрен.
- Босагъагъа джууукъ орун болса, ашыгъыб тёрге озма.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Таукел тауну аудурур.
- Алтыда кюлмеген, алтмышда кюлмез.
- Ашхы адам – халкъ байлыгъы, ашхы джер – джашау байлыгъы.
- Чомарт джарлы болмаз.
- Бичгенде ашыкъма, тикгенде ашыкъ.
- Акъыллы айтыр эди, акъылсыз къоймайды.
- Ариу сёз джыланны орнундан чыгъарыр.
- Джаралыны джастыгъында сау ёлюр.
- Кюл тюбюндеги от кёрюнмейди.
- Эр абынмай, эл танымаз.
- Хар ишни да аллы къыйынды.
- Джангызны оту джарыкъ джанмаз!
- Джыйырма къойну юч джыйырма эбзе кюте эди.
- Кюлме джашха – келир башха.
- Адеби болмагъан къыз – тузсуз хант.
- Эли джокъну – кёлю джокъ.
- Бек анасы джыламаз.
- Терслик кетер, тюзлюк джетер.
- Кёл – къызбай, къол – батыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72