Эльбрусоид :: Форум :: Архив форумов

Нёгер болсанг, тенг бол, тенг болмасанг, кенг бол.
Таукел къуру къалмаз.
Босагъа таш юйге кирмей эди, тыбыр таш эшикге чыкъмай эди.
Джырчы джырчыгъа – къарнаш.
Ашхы атаны – джашы ашхы, ашхы ананы – къызы ашхы.
Къар – келтирди, суу – элтди.
Адеб базарда сатылмаз.
Айранны сюйген, ийнек тутар.
Ишни ахырын ойламай, аллын башлама.
Ёгюзню мюйюзюнден тутадыла, адамны сёзюнден тутадыла.
Намыс сатылыб алынмайды.
Сескекли кесин билдирир.
Агъач – джерни чырайы, кийим – эрни чырайы.
Ушамагъан – джукъмаз.
Билим къая тешер.
Эллинг бла джау болсанг да, юйюнг бла джау болма.
Ариу джол аджал келтирмез.
Орну джокъну – сыйы джокъ.
Джетген къыз джерли эшекни танымаз.
Кюн – узун, ёмюр – къысха.
Эшекни не къадар тюйсенг да, ат болмаз.
Ачыу алгъа келсе, акъыл артха къалады.
Аман адам этегингден тутса, кес да къач.
Элде адам къалмаса, ит тахтагъа минер.
Адебсиз адам – джюгенсиз ат.
Айран ичген – къутулду, джугъусун джалагъан – тутулду.
Мухардан ач ычхынмаз.
Адамны джюреги нени кёрюрге сюйсе, кёзю да аны кёрюрге ёч болады.
Ата Джуртун танымагъан, атасын да танымаз.
Тёзгеннге, джабылгъан эшик ачылыр.
Эки къатын алгъанны къулагъы тынгнгаймаз.
Гырджын – тепсини тамадасы.
Этек чакъмакълары баш джаргъан, сёлешген сёзлери таш джаргъан.
Эркишини аманы тиширыуну джылатыр.
Аууз сакълагъан – джан сакълар.
Акъыллы башны – тили къысха.
Дуния малгъа сатылма, кесингден телиге къатылма.
Бети – къучакълар, джюреги – бычакълар.
Ишлемеген – тишлемез.
Джарлыны тону джаз битер.
Аман хансны – урлугъу кёб.
Хар сёзню орну барды.
Кёпюр салгъан кеси ётер, уру къазгъан кеси кетер.
Байлыкъ тауусулур, билим тауусулмаз.
Къонагъы джокъну – шоху джокъ.
Уллу суу бла уллу ауруудан башынгы сакъла.
Адамны сыфатына къарама, сёзюне къара.
Аджаллыгъа окъсуз шкок атылыр.
Намысы болмагъанны, сыйы болмаз.
Тик ёргени, тик энгишгеси да болады.

Логин:
Пароль:
	Запомнить меня на этом компьютере

Забыли свой пароль?
Регистрация