- Сескекли кесин билдирир.
- Къууут – джелге, берне – бошха.
- Тёрени джагъы джокъ.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Арбаз къынгырды да, ийнек сауалмайма.
- Биреуге аманлыкъны тилеме да, кесинге ашхылыкъны тиле.
- Тилчи бир сагъатха айлыкъ хата этер.
- Эл ауузу – элия.
- Джарлыны эшигин махтагъан джабар.
- Кютгени беш эчки, сызгъыргъаны уа, джерни джарады.
- Байлыкъ болгъан джерде, тынчлыкъ джокъду.
- Тюзлюк тас болмайды.
- Тил бла келеди джыр да.
- Айтханы чапыракъдан ётмеген.
- Рысхы – насыбха къор.
- Эм ашхы къайын ана мамукъ бла башынгы тешер.
- Уллу сёзде уят джокъ.
- Ач къарным, тынч къулагъым.
- Тенгинг джокъ эсе – изле, бар эсе – сакъла!
- Сакъ юйюне сау барыр.
- Ёлген эшек бёрюден къоркъмайды.
- Окъугъан – асыу, окъумагъан – джарсыу.
- Къошда джокъгъа – юлюш джокъ.
- Тилсиз миллет джокъ болур.
- Эл ауузу – элек, анга ийнаннган – халек.
- Окъдан джара эртде-кеч болса да бителир, сёз джара, ёмюрге къалыр.
- Ата джурт – алтын бешик.
- Окъугъан озар, окъумагъан тозар.
- Сууда джау джокъ, кёб сёзде магъана джокъ.
- Тёзгеннге, джабылгъан эшик ачылыр.
- Тил – миллетни джаны.
- Къар – келтирди, суу – элтди.
- Джахил болса анасы, не билликди баласы?
- Соргъан айыб тюлдю, билмеген айыбды.
- Чабакъгъа акъыл, табагъа тюшсе келеди.
- Ёзденликни джайгъан – джокълукъ.
- Эки ойлашыб, бир сёлешген.
- Берекет берсин деген джерде, берекет болур.
- Окъ къызбайны джокълайды.
- Къая джолда джортма, ачыкъ сёзден къоркъма.
- Эки къатын алгъан – эки ташны ортасына башын салгъан.
- Къарт бла баш аша, джаш бла аякъ аша.
- Аманнга да, игиге да оноусуз къатышма.
- Кёзю сокъурдан – къоркъма, кёлю сокъурдан – къоркъ.
- Эллинг бла джау болсанг да, юйюнг бла джау болма.
- Къаллай салам берсенг, аллай джууаб алырса.
- Сангырау къулакъ эл бузар.
- Таула не мийик болсала да, аууш табылыр.
- Садакъачыны джаны – къапчыгъында.
- Керти сёзге тёре джокъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72