- Атадан ёксюз – бир ёксюз, анадан ёксюз – эки ёксюз.
- Ёгюзню мюйюзлери ауурлукъ этмейдиле.
- Чыкълы кюнде чыкъмагъан, чыкъса къуру кирмеген.
- Билгенни къолу къарны джандырыр.
- Байны къызы баймакъ болса да, юйде къалмаз!
- Ким бла джюрюсенг, аны кёзю бла кёрюнюрсе.
- Сабийликде юретмесенг, уллу болса – тюзелмез.
- Таукелге нюр джауар.
- Адамны сабийин сюйген джюреги, бычакъча, джитиди.
- Джумушакъ сёз къаты таякъны сындырыр.
- Ашатыргъа иш – ашхы, ишлетирге аш – ашхы.
- Байлыкъ келсе, акъыл кетер.
- Джырчы ёлсе, джыры къалыр.
- Къазанда болса, чолпугъа чыгъар.
- Насыблы элин сюер, насыбсыз кесин сюер.
- Ашха уста, юйюнде болсун
- Ишленмеген джаш – джюгенсиз ат, ишленмеген къыз – тузсуз хант.
- Адамны сыфатына къарама, сёзюне къара.
- Дуния малгъа сатылма, кесингден телиге къатылма.
- Чомартха хар кюн да байрамды.
- Биреуге аманлыкъ этиб, кесинге игилик табмазса.
- Ауругъаннга – кийик саулукъ, джетген къызгъа – чилле джаулукъ.
- Кимни – тили, тиши онглу, кимни – къолу, иши онглу.
- Экеу тутушса, биреу джыгъылыр.
- Кийиминг бла танылма, адамлыкъ бла таныл.
- Билимли ёлмез, билимсиз кёрмез.
- Кёл ашады да, кеси ашады.
- Телиге от эт десенг, юйюнге от салыр.
- Сабыр джетер муратха, сабырсыз къалыр уятха.
- Эркишини аманы тиширыуну джылатыр.
- Айран ичген – къутулду, джугъусун джалагъан – тутулду.
- Зар адамны насыбы болмаз.
- Къолунгдан къуймакъ ашатсанг да, атаны борчундан къутулмазса.
- Элге къуллукъ этмеген, элге ие болмаз.
- Нарт сёз – тилни бети.
- Тойгъандан сора, ашны сёкме.
- Арпа, будай – ащды, алтын, кюмюш а – ташды.
- Элни кючю – эмеген.
- Ач бёрюге мекям джокъ.
- Ашын ашагъанынгы, башын да сыйла.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Тёрени джагъы джокъ.
- Кёзюнде тереги болгъан, чёбю болгъаннга кюле эди.
- Къартха ушагъан джаш – акъыллы, джашха ушагъан къарт – тели.
- Артына баргъанны, къатына барма.
- Адеб базарда сатылмаз.
- Битмегеннге сакъал – танг.
- Къаллай салам берсенг, аллай джууаб алырса.
- Элде адам къалмаса, ит тахтагъа минер.
- Окъуусуз билим – джокъ, билимсиз кюнюнг – джокъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72