- Чомартха Тейри да борчлуду.
- Рысхы – сют юсюнде кёмюк кибикди.
- Джерни букъусу кёкге къонмаз.
- Гитче джилтин уллу элни джандырыр.
- Айран тёгюлсе, джугъусу къалыр.
- Термилгенинги табмазса, кюлгенинге тюберсе.
- Эл тойса, тоймагъан, эл къойса, къоймагъан.
- Ханнга да келеди хариблик.
- Тил бла келеди джыр да.
- Кесинге джетмегенни, кёб сёлешме.
- Акъыллы айтыр эди, акъылсыз къоймайды.
- Аманны эки битли тону болур, бирин сеннге кийдирир, бирин кеси киер.
- Миллетни бойну – базыкъ, аны бла кюрешген – джазыкъ.
- Чыбыкълыкъда бюгюлмеген, къазыкълыкъда бюгюлмей эди.
- Айныгъанлы алты кюн, тогъайгъанлы тогъуз кюн.
- Ат да турмайды бир териде.
- Юй ишлеген балта эшикде къалыр.
- Киштикге къанат битсе, чыпчыкъ къалмаз эди.
- Къарны аманнга къазан такъдырма, къолу аманнга от джакъдырма.
- Тай асырагъан, атха минер.
- Чыкълы кюнде чыкъмагъан, чыкъса къуру кирмеген.
- Башы джабылгъан челекге, кир тюшмез.
- Рысхысына кёре, джаш ёсер, къышлыгъына кёре, мал ёсер.
- Акъдан къара болмаз.
- Суу ичген шауданынга тюкюрме.
- Элге къуллукъ этмеген, элге ие болмаз.
- Кюлме джашха – келир башха.
- Окъ къызбайны джокълайды.
- Экеулен сёлеше тура эселе, орталарына барыб кирме.
- Тилсиз миллет джокъ болур.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ачны эсинде – аш.
- Байны оноуу, джарлыгъа джарамаз.
- Магъанасыз сёз – тауушсуз сыбызгъы.
- Чакъырылмагъан къонакъ къачан кетерин сормаз.
- Къарнынг ауруса, ауузунгу тый
- Тойгъа алгъа да барма, тойда артха да къалма.
- Къарт бла баш аша, джаш бла аякъ аша.
- Таула не мийик болсала да, аууш табылыр.
- Тенгинг джокъ эсе – изле, бар эсе – сакъла!
- Тил – миллетни джаны.
- Аман къатын сабий табса, бий болур…
- Айранын берсенг, челегин да къызгъанма.
- Чакъырылмагъан къонакъ тёрге атламаз.
- Аш хазыр болса, иш харам болур.
- Къонакъ аз олтурур, кёб сынар.
- Эри аманны, къатыны – аман.
- Суугъа – таянма, джаугъа – ийнанма.
- Къайтырыкъ эшигинги, къаты уруб чыкъма.
- Бек ашыкъгъан меннге джетсин, дегенди аракъы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72