- Ашхы – джыяр, аман – джояр.
- Ачыу алгъа келсе, акъыл артха къалады.
- Гугук кесини атын айтыб къычыргъанча, мен, мен деб нек тураса?
- Сакъ юйюне сау барыр.
- Эм уллу байлыкъ – джан саулукъ.
- Кёб джашагъан – кёб билир.
- Ата – билек, ана – джюрек!
- Байлыкъ адамны сокъур этер.
- Чакъырылмай келген къонакъ сыйланмай кетер.
- Джигер – джаннга къыйынлыкъ.
- Къазанны башы ачыкъ болса, итге уят керекди.
- Кёзню ачылгъаны – иги, ауузну джабылгъаны – иги.
- Кёлю джокъну – джолу джокъ.
- Къонакъ болсанг, ийнакъ бол.
- Чакъырылмагъан къонакъ – орунсуз.
- Уясында не кёрсе, учханында аны этер.
- Билмейме деген – бир сёз
- Джашлыкъ этмеген, башлыкъ этмез.
- Джылыгъа джылан илешир.
- Къарт бла баш аша, джаш бла аякъ аша.
- Гырджын – тепсини тамадасы.
- Тойну къарнашы – харс, джырны къарнашы – эжиу.
- Сескекли кесин билдирир.
- Таукел адам тау тешер.
- Агъач халкъгъа алтынды, иссиликге салкъынды.
- Къызны минг тилер, бир алыр.
- Къар – келтирди, суу – элтди.
- Ана кёлю – балада, бала кёлю – талада.
- Тешигини къатында, чычхан да батыр болур.
- Байма, деб да, къууанма, джарлыма, деб да, джылама.
- Ушамагъан – джукъмаз.
- Билими азны – ауузунда кирит.
- Адамны сабийин сюйген джюреги, бычакъча, джитиди.
- Къыз келсе, джумуш эте келеди, къатын келсе, ушакъ эте келеди.
- Тау башында, тау болмаз, джангыз терек, бау болмаз.
- Кюн кёрмеген, кюн кёрсе, кюндюз чыракъ джандырыр.
- Эрине къаргъыш этген къатын, эрнин къабар.
- Адамны сыфатына къарама, сёзюне къара.
- Къонакъ хазыр болгъанлыкъгъа, къонакъбай хазыр тюлдю.
- Юй ишлеген балта эшикде къалыр.
- Сууда джау джокъ, кёб сёзде магъана джокъ.
- Ариу джол аджал келтирмез.
- Адамны джюреги нени кёрюрге сюйсе, кёзю да аны кёрюрге ёч болады.
- Къыз чыгъаргъан – къызыл къымжа.
- Чабар ат – джетген къыз.
- Ышармагъан – кюлмез, кюлмеген – къууанчны билмез.
- Урунуу – насыбны анасы.
- Адам туугъан джеринде, ит тойгъан джеринде.
- Акъыллы эркиши атын махтар, акъылсыз эркиши къатынын махтар.
- Ашарыкъда сайлагъаннга – чий гырджын.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72