- Душманны тышы – акъ, ичи – къара.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Къонакъ аз олтурур, кёб сынар.
- Айтылгъан буйрукъ, сёгюлмез
- Джиби бир къат джетмей эди да, эки къат тарта эди.
- Байлыкъ тауусулур, билим тауусулмаз.
- Аман къатын алгъан, арыр, иги къатын алгъан джарыр.
- Къобан да къуру да къобханлай турмайды, адам да къуру да патчахлай турмайды.
- Джырына кёре эжиую.
- Къан бла кирген, джан бла чыгъар.
- Иги сеники эсе да, сюйген кесимикин этеме.
- Ауузу аманнга «иги», деме.
- Ач отунчуну ачыуу – бурнунда.
- Сакъламагъан затынга джолукъсанг, не бек къууанаса, не бек ачыйса.
- Джан саулукъ бермей, сан саулукъ бермезсе.
- Къызбайны юйюне дери сюрсенг, батыр болур.
- Ана къойну – балагъа джандет.
- Азыгъы аз, алгъа къабар, аты аман, алгъа чабар.
- Башсыз урчукъ тюзюне айланмаз.
- Татлы сёз – балдан татлы.
- Халкъгъа джарагъан, джарлы къалмаз.
- Оюмсуз атлагъан, аджалсыз ёлюр.
- Джырчы ёлсе, джыры къалыр.
- Билгенни къолу къарны джандырыр.
- Тура эдим джата, къайдан чыкъды хата?
- Окъуу – билимни ачхычы, окъуу – дунияны бачхычы.
- Тюзню ётмеги тюзде къалса да, тас болмаз.
- Ойнай билмеген, уруб къачар.
- Нафысынгы айтханын этме, намысынгы айтханын эт.
- Къоркъакъны кёзю экили кёрюр.
- Аманны эки битли тону болур, бирин сеннге кийдирир, бирин кеси киер.
- Къарыусузгъа кюлме, онгсузгъа тийме.
- Суу да къайтады чыкъгъан джерине.
- Игиге айтсанг – билир, аманнга айтсанг – кюлюр.
- Тёрде – темир таякълы, къаяда – чыпчыкъ аякълы.
- Танг атмайма десе да, кюн къоярыкъ тюйюлдю.
- Чомартха Тейри да борчлуду.
- Кёб къычыргъандан – къоркъма, тынч олтургъандан – къоркъ.
- Тойгъан антын унутур.
- Бети – къучакълар, джюреги – бычакълар.
- Мухардан ач ычхынмаз.
- Эрни эр этерик да, къара джер этерик да, тиширыуду.
- Зарда марда джокъ.
- Сескекли кесин билдирир.
- Атадан ёксюз – бир ёксюз, анадан ёксюз – эки ёксюз.
- Рысхысына кёре, джаш ёсер, къышлыгъына кёре, мал ёсер.
- Ишлегенде эринме, ишде чолакъ кёрюнме.
- Кёзюнде тереги болгъан, чёбю болгъаннга кюле эди.
- Минг тенг да азды, бир джау да кёбдю.
- Чакъырылмагъан къонакъ – орунсуз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72