- Чабакъ башындан чирийди.
- Тели турса – той бузар.
- Кеси юйюмде мен да ханма.
- Керек ташны ауурлугъу джокъ.
- Ышармагъан – кюлмез, кюлмеген – къууанчны билмез.
- Джарлы эскисин джамаса, къууаныр.
- Келлик заман – къартлыкъ келтирир, кетген заман – джашлыкъ ёлтюрюр.
- Адам туугъан джеринде, ит тойгъан джеринде.
- Сибиртки да сыйлы болду, кюрек да кюнлю болду.
- Къайтырыкъ эшигинги, къаты уруб чыкъма.
- Кёб джат да, бек чаб.
- Тойгъа барсанг, тоюб бар, эски тонунгу къоюб бар.
- Тилчи бир сагъатха айлыкъ хата этер.
- Тюзню ётмеги тюзде къалса да, тас болмаз.
- Эл элде бирер малынг болгъандан эсе, бирер тенгинг болсун.
- Билим насыб берир, билим джолну керир.
- Аман киши кеси юйюнде – къонакъ.
- Хаухну атма, ёнгкючню сатма.
- Сакъ юйюне сау барыр.
- Аджалсыз ёлюм болмаз.
- Ашлыкъ – бюртюкден, джюн – тюкден.
- Тынгылагъан тынгы бузар.
- Эркиши – от, тиширыу – суу.
- Джылкъыдан – ат чыгъар, тукъумдан – джаш чыгъар.
- Босагъагъа джууукъ орун болса, ашыгъыб тёрге озма.
- Айран ичген – къутулду, джугъусун джалагъан – тутулду.
- Алгъанда – джууукъ, бергенде – джау.
- Ётюрюкню башын керти кесер.
- Билимли ёлмез, билимсиз кёрмез.
- Къошда джокъгъа – юлюш джокъ.
- Джетген къыз джерли эшекни танымаз.
- Ач, тоймам, дейди, тойгъан, ач болмам, дейди.
- Аманны тукъумуна къарама, игини тукъумун сорма.
- Адебсиз адам – джюгенсиз ат.
- Бетинги сатма, малынгы сат.
- Ата Джуртча джер болмаз, туугъан элча эл болмаз.
- Арба аугъандан сора, джол кёргюзтюучю кёб болур.
- Нёгер болсанг, тенг бол, тенг болмасанг, кенг бол.
- Кёлсюзден сёзсюз тууар.
- Кийиминг бла танылма, адамлыкъ бла таныл.
- Танг атмайма десе да, кюн къоярыкъ тюйюлдю.
- Адеби болмагъан къыз – тузсуз хант.
- Бойнуму джети джерден кессенг да, мен ол ишни этеллик тюлме.
- Кёзден кетген, кёлден да кетеди.
- Хар сёзню орну барды.
- Къарт бла баш аша, джаш бла аякъ аша.
- Ёгюзню мюйюзлери ауурлукъ этмейдиле.
- Махтаннган къыз, тойда джукълар.
- Къарны аманнга къазан такъдырма, къолу аманнга от джакъдырма.
- Иесиз малны бёрю ашар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72